قازاقستان رەسپۋبليكاسى پارلامەنتٸ سەناتىنىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶرايىمى داريعا نازارباەۆانىڭ جەتەكشٸلٸگٸمەن ش.ۋەليحانوۆ اتىنداعى كادەت كورپۋسىندا قازاقستانداعى ەسكەري-پاتريوتتىق قوزعالىس مەسەلەلەرٸ بويىنشا قوعامدىق تىڭداۋ بولىپ ٶتتٸ. اتالعان شارا بٸر جۇماعا سوزىلعان رەسپۋبليكالىق ەسكەري-پاتريوتتىق «جٸگەر» لاگەرٸنٸڭ تەجٸريبەلٸك تالدامالارىن قورىتىندىلاۋدى ماقسات ەتەدٸ. دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ مودەراتورى بولعان قوعامدىق تىڭداۋعا پارلامەنت دەپۋتاتتارى, قازاقستان حالقى اسسامبلەياسىنىڭ, قورعانىس مينيسترلٸگٸنٸڭ ٶكٸلدەرٸ, پەداگوگتار, جاستار ۇيىمدارىنىڭ بەلسەندٸلەرٸ, كادەتتەر مەن جۋرناليستەر قاتىستى.
داريعا نازارباەۆا ٶز سٶزٸندە ەلٸمٸزدٸڭ 25 جىلدىق كەزەڭدەگٸ بەيبٸتشٸلٸك ساياساتىنا كەڭٸنەن توقتالا كەلٸپ, بٷگٸنگٸ ەلەمدەگٸ كٷردەلٸ ەسكەري-ساياسي جاعدايعا, جەتەكشٸ مەملەكەتتەر اراسىنداعى قارىم-قاتىناستارعا, قارۋلانۋ ٷدەرٸستەرٸنە, تەرروريزم مەن دٸني ەكسترەميزمگە قاتىستى تولعاقتى پٸكٸرلەرٸن ورتاعا سالدى. ەلباسىنىڭ حالىقارالىق بەدەلٸ, بەيبٸتشٸل سىرتقى ساياساتىمىز وسى جىلدار ارالىعىندا قاۋٸپ-قاتەرلەرگە توسقاۋىل قويا بٸلدٸ. بٸراق, قازٸرگٸ ەلەم دامۋىنا ناقتى باعا بەرۋ قيىن. ساقتىق پەن قىراعىلىق تالاپ ەتٸلەتٸن ۋاقىت ٷستەمدٸگٸندەمٸز. سوندىقتان ەسكەري سالاداعى رەفورمانى جالعاستىرۋمەن قاتار, بٸزدٸڭ بالالارىمىز بەن نەمەرەلەرٸمٸزدٸ ەسكەري-پاتريوتتىق رۋحتا تەربيەلەۋگە بارىنشا نازار اۋدارۋىمىز كەرەك. قازاقستاندىق پاتريوتيزمسٸز رەفورمالار مەن وقۋلار, قارجىلاندىرۋدى ارتتىرۋ مٷمكٸن ەمەس. وتاننىڭ قادٸر-قاسيەتٸن بويىنا سٸڭٸرٸپ ٶسكەن ۇرپاق ەردايىم جەڭٸمپاز بولاتىنىن ەسكەري تاريح بارىنشا دەلەلدەگەن. ٶيتكەنٸ, شىنايى رۋح قۋاتىن جەڭۋ مٷمكٸن ەمەس, دەدٸ كوميتەت تٶرايىمى.
– ەلباسى, قازاقستان رەسپۋبليكاسى قارۋلى كٷشتەرٸنٸڭ باس قولباسشىسى ن.ە.نازارباەۆ ايتقانداي, قازاقستاندىق پاتريوتيزمدٸ قالىپتاستىرۋدا ەسكەري-پاتريوتتىق تەربيە مەملەكەتتٸك ساياساتتىڭ باسىم باعىتى بولىپ قالا بەرەدٸ, – دەدٸ مينيستر ن.ەرمەكباەۆ.
– بٷگٸنگٸ كٷنٸ بارلىق ٶڭٸردەگٸ بٸلٸم بەرۋ ۇيىمدارىندا 2200-دەن استام كلۋبتار, ٷيٸرمەلەر جەنە سەكتسييالار جۇمىس ٸستەيدٸ. مۇنداي قۇرىلىمدار رەسەيدە 5,5 مىڭ, ال امەريكاداعى سكاۋتتىق قوزعالىستار 4,1 ميلليون ۇل مەن 2,6 ميلليون قىزدى قامتيدى. مۇنىڭ بارلىعى ٶز وتانىن كەلەڭسٸز جاعدايلاردان قورعاۋعا دايىن بولۋدى ماقسات ەتەدٸ. بٸزدٸڭ ەلٸمٸز دە سەرگەكتٸككە سەلكەۋ تٷسٸرمەيتٸنٸ انىق.
قازاقستان قارۋلى كٷشتەرٸ باس شتابى باستىعىنىڭ ورىنباسارى, گەنەرال-مايور مۇحامەدجان تالاسوۆ مەملەكەت باسشىسىنىڭ قاتىسۋىمەن 2015 جىلعى 1 جەلتوقساندا اشىلعان استاناداعى ۇلتتىق ەسكە-
ري-پاتريوتتىق ورتالىق قىزمەتٸنٸڭ, جىل سايىن ٶتكٸزٸلەتٸن جاستاردىڭ رەسپۋبليكالىق «ايبىن» ەسكەري-پاتريوتتىق جيىنى, «جاس ۇلان» ەسكەري ەندەر فەستيۆالٸ مەن «ەرلٸك ساباقتارىنىڭ» تەربيەلٸك ماڭىزىن اتاپ كٶرسەتتٸ. بٸلٸم بەرۋدٸڭ ايماقتىق ۇيىمدارى مەن جەرگٸلٸكتٸ ەكٸمدٸكتەر قولداۋىمەن ەسكەري-پاتريوتتىق اكتسييالار, كونكۋرستار, ۆيكتورينالار, ەسكەري-دالا ويىندارى, سپورتتىق شارالار ۇيىمداستىرىلۋدا. ەيتكەنمەن, مەملەكەتتٸك ورگاندار بۇل ورايداعى تۇراقتى قارجىلاندىرۋ, تيٸستٸ قۇقىقتىق جەنە ماتەريالدىق بازانىڭ جوقتىعىنان قيىندىقتارعا تاپ بولىپ جاتادى. باستاپقى ەسكەري دايىندىق جٷيەسٸن قۋاتتاندىرۋدا دا ٶزەكتٸ مەسەلەلەر بار, دەي كەلە گەنەرال بٸرقاتار ۇسىنىستار, سونىڭ ٸشٸندە دوسااف ۇيىمدارىن جاڭعىرتۋ قاجەتتٸگٸن ورتاعا سالدى. تيٸمدٸلٸگٸ كٶرٸنٸپ تۇرعان پٸكٸرلەر سەناتور, حالىق قاھارمانى, ارمييا گەنەرالى مۇحتار التىنباەۆ پەن مەجٸلٸس دەپۋتاتى, رەسپۋبليكالىق ەسكەري-پاتريوتتىق كلۋبتار فەدەراتسيياسىنىڭ تٶراعاسى باقىتبەك سماعۇل تاراپىنان قولداۋ تاپتى.
قوعامدىق تىڭداۋدىڭ ەركٸن ميكروفونى ٷنەمٸ جۇمىس ٸستەپ تۇردى. كٶكشەتاۋ پەداگوگيكالىق كوللەدجٸنٸڭ ستۋدەنتٸ ەرمەك مۇقاتاەۆ, كادەت ۆيكتور شادەتسكيي, جامبىل وبلىسىنداعى ەسكەري-پاتريوتتىق كلۋبتىڭ جەتەكشٸسٸ ولگا ساعىندىقوۆا, قازاقستان جاستارى كونگرەسٸنٸڭ اتقارۋشى ديرەكتورى ايتىن سەبيتوۆ جەنە باسقالار بٷگٸنگٸ شارانىڭ ماڭىزدىلىعىن اتاپ ٶتتٸ.
– مۇنداي شارانىڭ اۋقىمى كەڭٸپ, جىلىنا ەكٸ رەت ٶتكٸزٸلٸپ تۇرۋى قاجەت,– دەدٸ قورىتىندى سٶزٸندە پارلامەنت سەناتى كوميتەتٸنٸڭ تٶرايىمى داريعا نازارباەۆا.
– جەنە ونى ەلٸمٸزدٸڭ ەرتٷرلٸ ايماقتارىندا ۇيىمداستىرعان تيٸمدٸ. جاستارعا تەجٸريبە الماسىپ, پٸكٸرلەر جيناقتاۋىنا, بەلسەندٸ جۇمىس اتقارۋىنا مٷمكٸندٸك جاساۋىمىز كەرەك.
باقبەرگەن امالبەك,
«ەگەمەن قازاقستان»
اقمولا وبلىسى
.jpeg)