قازاقستاندا زەينەتاقى اننۋيتەتٸ شارتتارىن جاساۋ جەنە ول بويىنشا قىزمەت كٶرسەتۋ قاعيدالارى جاڭارتىلۋدا. قر قارجى نارىعىن رەتتەۋ جەنە دامىتۋ اگەنتتٸگٸ 2026 جىلعى 28 قىركٷيەكتەگٸ №131 قاۋلىسىمەن زەينەتاقى اننۋيتەتٸنٸڭ ٷلگٸلٸك شارتىنا, ساقتاندىرۋ تٶلەمدەرٸنٸڭ كەستەسٸنە جەنە شارتقا جاسالاتىن قورىتىندى فورماعا ٶزگەرٸستەر ەنگٸزدٸ, دەپ حابارلايدى Ult.kz.
قۇجات 2026 جىلعى 1 قازاندا جارييالاندى جەنە العاشقى رەسمي جارييالانعان كٷننەن كەيٸن كٷنتٸزبەلٸك 10 كٷن ٶتكەن سوڭ كٷشٸنە ەنەدٸ.
ٶزگەرٸستەر نەگٸزٸنەن شارت رەسٸمدەۋ جەنە وعان قىزمەت كٶرسەتۋ تەرتٸبٸن, بٸر ساقتاندىرۋ ۇيىمىنان ەكٸنشٸسٸنە اۋىسقان كەزدەگٸ ٶتەم اۋدارۋ رەسٸمٸن, سونداي-اق ساقتاندىرۋ تٶلەمدەرٸنٸڭ جەكەلەگەن تالاپتارىن ناقتىلاۋدى قامتىدى.
كەپٸلدٸ ساقتاندىرۋ تٶلەمٸ
ٶزگەرٸستەردٸڭ نەگٸزگٸ بٶلٸكتەرٸنٸڭ بٸرٸ – ساقتانۋشى نەمەسە ساقتاندىرۋشى قايتىس بولعان جاعدايدا كەپٸلدٸ قاراجات تٶلەۋ تەرتٸبٸ.
ەگەر ساقتانۋشى نەمەسە ساقتاندىرۋشى ادام قايتىس بولسا, شارتتا كٶرسەتٸلگەن تۇلعا, ال ونداي تۇلعا بولماعان جاعدايدا مۇراگەرلەر شارتتا كٶزدەلگەن كەپٸلدٸ ساقتاندىرۋ سوماسىن الۋعا قۇقىلى. بۇل تٶلەمدەر ساقتانۋشىنىڭ نەمەسە ساقتاندىرعان ادامنىڭ كٶزٸ تٸرٸسٸندە تولىق الىنباعان نەمەسە مٷلدەم الىنباعان جاعدايدا جٷزەگە اسپاق.
تٶلەمدٸ بٸرجولعى نەمەسە اي سايىنعى تٷردە الۋ مٷمكٸندٸگٸ قاراستىرىلعان. بٸرجولعى تٶلەم تاڭدالعان جاعدايدا ونىڭ مٶلشەرٸ ساقتاندىرۋ سىيلىقاقىسىن ەسەپتەۋ كەزٸندە قولدانىلعان يندەكستەۋ مٶلشەرلەمەسٸ مەن تيٸمدٸ جىلدىق كٸرٸستٸلٸك مٶلشەرلەمەسٸن ەسكەرە وتىرىپ ايقىندالادى.
سونداي-اق ساقتانۋشى نەمەسە ساقتاندىرعان ادام اي سايىنعى ساقتاندىرۋ تٶلەمٸن العاش العانعا دەيٸن قايتىس بولعان جاعدايدا قولدانىلاتىن تەرتٸپ ساقتالادى. مۇنداي جاعدايدا شارتتا كٶرسەتٸلگەن تۇلعا, ال ول بولماعان كەزدە مۇراگەرلەر ەسەپتەلگەن ٶتەلۋ سوماسىن بەلگٸلەنگەن تەرتٸپپەن بٸرجولعى تٶلەم تٷرٸندە الادى.
جەرلەۋگە ارنالعان تٶلەم تەرتٸبٸ ناقتىلاندى
جاڭارتىلعان رەداكتسييادا شارت بويىنشا ەكٸ ساقتانۋدىرۋشى بولعان جاعداي ناقتى كٶرسەتٸلگەن.
ساقتانۋشى (لار) جەنە (نەمەسە) ساقتاندىرعان ادام (دار) قايتىس بولعان جاعدايدا ساقتاندىرۋ ۇيىمى وتباسى مٷشەلەرٸنە نەمەسە جەرلەۋدٸ اتقارعان ادامعا جەرلەۋگە ارنالعان بٸرجولعى ساقتاندىرۋ تٶلەمٸن اۋدارادى. تٶلەم مٶلشەرٸ شارتتا كٶرسەتٸلەدٸ, بٸراق ەربٸر ساقتاندىرۋشىعا سول قارجى جىلىنداعى اەك-تٸڭ 35 ەسەلەنگەن مٶلشەرٸنەن كەم بولماۋى تيٸس.
وسىلايشا, ٷلگٸلٸك شارتتا ەكٸ ساقتاندىرۋشىسى بار شارتتارعا قاتىستى وسى نورمانى قولدانۋ تەرتٸبٸ ناقتىلاندى.
باسقا ساقتاندىرۋ ۇيىمىنا اۋىسۋ – بٸرىڭعاي تسيفرلىق جٷيە ارقىلى
ٶزگەرٸستەر كليەنتتٸڭ باسقا ساقتاندىرۋ ۇيىمىنا اۋىسۋ تەرتٸبٸندە دە بار.
جاڭا رەداكتسييا بويىنشا, ٶتەلۋ سوماسى زەينەتاقى اننۋيتەتٸ شارتىنىڭ جاڭا ساقتاندىرۋ ۇيىمىمەن جاسالعانى تۋرالى ساقتاندىرۋ دەرەكتەر بازاسىن قالىپتاستىرۋ جەنە جٷرگٸزۋ جٶنٸندەگٸ ۇيىمنان مەلٸمەتتەر الىنعان كٷننەن باستاپ 10 جۇمىس كٷنٸ ٸشٸندە جاڭا ساقتاندىرۋ ۇيىمىنا اۋدارىلۋى تيٸس.
بۇل رەتتە شارت تۋرالى مەلٸمەتتەر مەن قاجەتتٸ اقپارات بٸرىڭعاي ساقتاندىرۋ دەرەكقورىنا (بسدق) شوعىرلاندىرىلادى. شارتتى جاساسۋ جەنە ٶتەلۋ سوماسىن اۋدارۋ پروتسەسٸ بسدق ارقىلى ساقتاندىرۋ ۇيىمدارى اراسىندا اقپارات الماسۋدىڭ اۆتوماتتاندىرىلعان ەلەكتروندىق تەرتٸبٸنە ساي جٷرەدٸ.
بۇل – ساقتاندىرۋشىنىڭ ساقتاندىرۋ ۇيىمىنا بارماي-اق قۇجات تاپسىرۋىنا مٷمكٸندٸك بەرەدٸ. ٶتٸنٸش پەن قاجەتتٸ مەلٸمەتتەر ساقتاندىرۋ ۇيىمدارى اراسىندا ەلەكتروندىق تٷردە بەرٸلەدٸ. وسىلايشا, ٶتٸنٸش بەرۋدەن باستاپ ونى باسقا ۇيىمعا جٸبەرۋ جەنە اۋدارىمدى رەسٸمدەۋگە دەيٸنگٸ پروتسەسس بٸرىڭعاي تسيفرلاندىرىلادى, قاعازباستىلىقتان ادا بولادى.
جەكە قاراجاتتى پايدالانۋ تەرتٸبٸ ناقتىلاندى
ساقتاندىرۋ سىيلىقاقىسى جەتكٸلٸكسٸز بولعان جاعدايدا ٶزٸ قاراجات سالۋ مٷمكٸندٸگٸ بۇرىن دا بولعان. جاڭا رەداكتسييا ونى ەنگٸزۋ تەرتٸبٸن ناقتىلادى.
ەگەر شارت جاساسۋ كەزٸندە نەمەسە قولدا بار شارتقا ٶزگەرٸستەر جەنە (نەمەسە) تولىقتىرۋلار ەنگٸزۋ بارىسىندا ساقتاندىرۋ سىيلىقاقىسىنىڭ جەتٸسپەيتٸن بٶلٸگٸ ٷشٸن جەكە قاراجات تارتىلسا, بۇل قاراجات بٸرجولى جەنە تولىق سالىنۋى تيٸس.
شارتتا ساقتاندىرۋ سىيلىقاقىسىنا كٶزدەرٸ دە كٶرسەتٸلەدٸ. ول: بجزق-داعى زەينەتاقى جيناقتارى, باسقا ساقتاندىرۋ ۇيىمىنان الىنعان ٶتەلۋ سوماسى جەنە ساقتانۋشىنىڭ جەكە قاراجاتى.
شارت پارامەترلەرٸ تۋرالى اقپارات كەڭەيتٸلەدٸ
زەينەتاقى اننۋيتەتٸ شارتىنا جاسالاتىن قورىتىندى فورما دا جاڭارتىلدى. وندا ساقتاندىرۋ سىيلىقاقىسىنىڭ مٶلشەرٸ, بجزق-دان اۋدارىلاتىن زەينەتاقى جيناقتارى, باسقا ساقتاندىرۋ ۇيىمىنان الىناتىن ٶتەلۋ سوماسى, ساقتاندىرۋ تٶلەمدەرٸنٸڭ مەرزٸمٸ, كەپٸلدٸ تٶلەم كەزەڭٸ, تيٸمدٸ جىلدىق كٸرٸس مٶلشەرلەمەسٸ, يندەكستەۋ مٶلشەرلەمەسٸ جەنە العاشقى مەرزٸمدٸ ساقتاندىرۋ تٶلەمٸنٸڭ مٶلشەرٸ كٶرسەتٸلەدٸ.
ساقتاندىرۋ تٶلەمدەرٸنٸڭ كەستەسٸندە مەرزٸمدٸ تٶلەمنٸڭ كٷنٸ مەن مٶلشەرٸ, شارتتا كٶزدەلگەن بولسا, ساقتاندىرىلعان ادام قايتىس بولعان جاعدايدا جٷزەگە اسىرىلاتىن بٸرجولعى تٶلەمنٸڭ مٶلشەرٸ, سونداي-اق ٶتەلۋ سوماسى جەكە كٶرسەتٸلەدٸ.
بۇل شارتتىڭ نەگٸزگٸ پارامەترلەرٸ مەن كٶزدەلگەن تٶلەمدەردٸ نەعۇرلىم قۇرىلىمدى تٷردە ۇسىنۋعا مٷمكٸندٸك بەرەدٸ.
نە ٶزگەرٸسسٸز قالادى
زەينەتاقى اننۋيتەتٸنٸڭ نەگٸزگٸ قاعيداتى ساقتالادى: ساقتاندىرۋ ۇيىمى ساقتاندىرىلعان ادامعا ٶمٸر بويى ساقتاندىرۋ تٶلەمدەرٸن اۋدارىپ وتىرادى.
ەرتٷرلٸ ساناتتاعى شارتتار بويىنشا تٶلەمدەردٸڭ مەرزٸمدٸلٸگٸ دە ٶزگەرمەيدٸ. 2018 جىلعى 1 قاڭتارعا دەيٸن جاسالعان شارتتار بويىنشا تٶلەمدەر اي سايىن, توقسان سايىن, جارتى جىلدا بٸر رەت نەمەسە جىل سايىن جٷزەگە اسىرىلۋى مٷمكٸن, بٸراق بەلگٸلەنگەن جىلدىق تٶلەم كٶلەمٸ ساقتالۋى تيٸس. ال 2018 جىلعى 1 قاڭتاردان باستاپ جاسالعان شارتتار بويىنشا تٶلەمدەر اي سايىن اۋدارىلادى.
جالپى, جاڭارتىلعان ەرەجەلەر زەينەتاقى اننۋيتەتٸنٸڭ تالاپتارىن ناقتىلاپ, جەكەلەگەن رەسٸمدەردٸ رەتتەيدٸ جەنە ٶتەلۋ سوماسىن بٸر ساقتاندىرۋ ۇيىمىنان ەكٸنشٸسٸنە اۋدارۋ كەزٸندە ساقتاندىرۋ ۇيىمدارى اراسىنداعى ٶزارا ٸس-قيمىلدى تسيفرلاندىرۋعا مٷمكٸندٸك بەرەدٸ.
قازاقستاندا زەينەتاقى اننۋيتەتٸن ٶمٸردٸ ساقتاندىرۋعا ماماندانعان ۇيىمدار, ونىڭ ٸشٸندە Halyk Life ۇسىنادى. باعدارلامالاردىڭ تالاپتارىمەن تانىسىپ, كەڭەس الۋ جەنە ەسەپتەۋ جٷرگٸزۋ ٷشٸن halyklife.kz سايتىنا نەمەسە 7123 نٶمٸرٸنە جٷگٸنۋگە بولادى.
