Biyl 1 shildeden bastap memlekettik satyp alý salasynda jańa tásil iske qosylady. Bul týraly QR Qarjy vitse-ministri Dáýren Keńbeiil málim etti, dep habarlaidy QazAqparat.
«Satyp alýdy ýaqtyly ótkizý maqsatynda onyń aldyn ala josparyn qurý jaǵy qaralyp jatyr. Biyl biýdjettik komissiia maquldaǵan ótinim negizinde satyp alýlar ótkizýge jáne biýdjettiń bekitilýin kútpei-aq kelesi jylǵa sharttar jasasýǵa múmkindik beredi. Sondai-aq, konkýrs ótkizý týraly habarlandyrýdy aldyn ala jariialaý múmkindigi qarastyrylýda. Atalǵan shara ótinimderdi qabyldaý merzimin 15 kúnnen 7 kúnge deiin qysqartady. Memlekettik satyp alý rásimin jeńildete túsý maqsatynda biyl 1 shildeden bastap negizdemelik kelisimderdi paidalana otyryp, konkýrs arqyly satyp alýdyń jańa tásili engiziledi. Bul satyp alý rásimderin 30 kúnge deiin qysqartýǵa múmkindik beredi», - dedi Dáýren Keńbeiil OKQ-de ótken brifingte.
Onyń aitýynsha, qazir atalǵan protsestiń ortasha uzaqtyǵy 2 ai.
«Memlekettik satyp alýdyń jańa tásil keńse taýarlary, janar-jaǵarmai, bailanys qyzmetteri, standartty (tiptik) taýarlardy satyp alý boiynsha paidalanylady. Bul jerde kelisim jasalmas buryn belgilengen talaptarǵa sáikes keletin áleýetti mekemelerge erekshe mán beriledi. Iaǵni naryqta ózin jaqsy jaǵynan kórsetken kompaniialar suranys ie bolady degen sóz. Ekinshi kezeńde tapsyrys berýshiler mundai ónim berýshilerge taýarlardy, jumystardy, kórsetiletin qyzmetterdi satyp alýǵa ótinimder jiberedi. Shart eń jaqsy usynys jasaǵan jetkizýshi kompaniialarmen jasalady», - deidi ol.
