بيىل 1 شٸلدەدەن باستاپ مەملەكەتتٸك ساتىپ الۋ سالاسىندا جاڭا تەسٸل ٸسكە قوسىلادى. بۇل تۋرالى قر قارجى ۆيتسە-مينيسترٸ دەۋرەن كەڭبەيٸل مەلٸم ەتتٸ, دەپ حابارلايدى قازاقپارات.
«ساتىپ الۋدى ۋاقتىلى ٶتكٸزۋ ماقساتىندا ونىڭ الدىن الا جوسپارىن قۇرۋ جاعى قارالىپ جاتىر. بيىل بيۋدجەتتٸك كوميسسييا ماقۇلداعان ٶتٸنٸم نەگٸزٸندە ساتىپ الۋلار ٶتكٸزۋگە جەنە بيۋدجەتتٸڭ بەكٸتٸلۋٸن كٷتپەي-اق كەلەسٸ جىلعا شارتتار جاساسۋعا مٷمكٸندٸك بەرەدٸ. سونداي-اق, كونكۋرس ٶتكٸزۋ تۋرالى حابارلاندىرۋدى الدىن الا جارييالاۋ مٷمكٸندٸگٸ قاراستىرىلۋدا. اتالعان شارا ٶتٸنٸمدەردٸ قابىلداۋ مەرزٸمٸن 15 كٷننەن 7 كٷنگە دەيٸن قىسقارتادى. مەملەكەتتٸك ساتىپ الۋ رەسٸمٸن جەڭٸلدەتە تٷسۋ ماقساتىندا بيىل 1 شٸلدەدەن باستاپ نەگٸزدەمەلٸك كەلٸسٸمدەردٸ پايدالانا وتىرىپ, كونكۋرس ارقىلى ساتىپ الۋدىڭ جاڭا تەسٸلٸ ەنگٸزٸلەدٸ. بۇل ساتىپ الۋ رەسٸمدەرٸن 30 كٷنگە دەيٸن قىسقارتۋعا مٷمكٸندٸك بەرەدٸ», - دەدٸ دەۋرەن كەڭبەيٸل وكق-دە ٶتكەن بريفينگتە.
ونىڭ ايتۋىنشا, قازٸر اتالعان پروتسەستٸڭ ورتاشا ۇزاقتىعى 2 اي.
«مەملەكەتتٸك ساتىپ الۋدىڭ جاڭا تەسٸل كەڭسە تاۋارلارى, جانار-جاعارماي, بايلانىس قىزمەتتەرٸ, ستاندارتتى (تيپتٸك) تاۋارلاردى ساتىپ الۋ بويىنشا پايدالانىلادى. بۇل جەردە كەلٸسٸم جاسالماس بۇرىن بەلگٸلەنگەن تالاپتارعا سەيكەس كەلەتٸن ەلەۋەتتٸ مەكەمەلەرگە ەرەكشە مەن بەرٸلەدٸ. ياعني نارىقتا ٶزٸن جاقسى جاعىنان كٶرسەتكەن كومپانييالار سۇرانىس يە بولادى دەگەن سٶز. ەكٸنشٸ كەزەڭدە تاپسىرىس بەرۋشٸلەر مۇنداي ٶنٸم بەرۋشٸلەرگە تاۋارلاردى, جۇمىستاردى, كٶرسەتٸلەتٸن قىزمەتتەردٸ ساتىپ الۋعا ٶتٸنٸمدەر جٸبەرەدٸ. شارت ەڭ جاقسى ۇسىنىس جاساعان جەتكٸزۋشٸ كومپانييالارمەن جاسالادى», - دەيدٸ ول.
