IX Azamattyq forýmda QR Memlekettik qyzmet isteri agenttiginiń tóraǵasy Anar Jaiylǵanova memlekettik qyzmet kórsetýdegi úkimettik emes uiymdardyń róli týraly aitty, dep habarlaidy QazAqparat.
«Qoǵamdyq dialog, ashyqtyq, adamdardyń qajettilikterine jedel mán berý – memlekettik organdar qyzmetiniń mańyzdy basymdyqtary bolyp sanalady. Memleket basshysy azamattyq qoǵamnyń memleket saiasatyn iske asyrýǵa belsendi qatysýy qajettigin únemi aityp keledi. Halyqqa qyzmet kórsetýdi memlekettik qyzmettiń jalpy mindeti deýge bolady, al qyzmet kórsetý sapasyn halyqtyń suranysyna qarai arttyrý – memlekettik qyzmetshiniń etikalyq tártibiniń negizgi postýlattarynyń biri», - dedi Anar Jaiyǵanova «Halyqqa memlekettik qyzmet kórsetýdi jaqsartýdaǵy azamattyq qoǵamnyń róli» atty ÚEU ókilderimen kezdesýde.
Agenttik basshysy úkimettik emes uiymdardyń halyqqa memlekettik qyzmet kórsetý sapasyn baqylaýdyń belsendi qatysýshylaryna ainalǵanyn atap ótti. Qyzmet kórsetý sapasyn jaqsartý, memlekettik qyzmetterdi ońtailandyrý, sybailas jemqorlyq syn-qaterlerin azaitý maqsatynda agenttik bastamasymen barlyq óńirlerde memlekettik qyzmetshiler men qoǵamdyq uiymdar múshelerinen vedomstvoaralyq jumys toptary qurylǵan.
«Tsifrlyq Qazaqstan» memlekettik baǵdarlamasyn iske asyrý boiynsha azamattyq qoǵamnyń qatysýymen halyqty tsifrlyq saýatqa oqytý sharalary uiymdastyrylǵan. 400-den astam tsifrlyq volonterler azamattarǵa avtomattandyrý aiasynda engizilgen qyzmetterdi kórsetý jańalyqtaryn túsindirip júr. Eriktilerdiń arqasynda memlekettik qyzmet alýshylar ETsQ-ny onlain rásimdeý men uzartý, HQO-ǵa barý kezegin brondaý, «eGovKZbot 2.0» telegramm-boty men «Elektrondyq úkimet» mobildi qosymshasyn paidalaný mashyqtaryn úirendi», - dedi A. Jaiylǵanova.
Sonymen birge, «Memlekettik qyzmetter týraly» zańǵa sáikes agenttik jyl saiyn memlekettik qyzmet kórsetý sapasyna qoǵamdyq monitoring júrgizedi.
«Biyl memlekettik qyzmet kórsetý sapasynyń qoǵamdyq monitoringi 9000-nan astam respondentti qamtidy jáne áleýmettik mańyzy bar 70 qyzmet boiynsha júrgiziledi, onyń nátijeleri jeltoqsan aiynda jariialanady», - dep túsindirdi Anar Jaiylǵanova.
