Memlekettik qyzmetshilerdiń mansaptyq ilgerileýi qalai júzege asyrylady? Basshylyq qyzmetke úmitkerler konkýrstyq komissiianyń sheshimderimen kelispegen jaǵdaida ne isteý kerek? Memlekettik qyzmet ótili degenimiz ne?
Osy jáne basqa da saýaldarǵa búgin Qazaqstan Respýblikasynyń Memlekettik qyzmet jáne sybailas jemqorlyqqa qarsy is-qimyl agenttinde ótetin brifingte agenttiktiń memlekettik qyzmet departamenti direktorynyń m.a. Jarqyn Tileýkenov, Memlekettik qyzmet salasyndaǵy baqylaý departamenti direktorynyń orynbasary Maqsat Mýsin jáne Qazaqstannyń HR-menedjerleri qaýymdastyǵynyń prezidenti Gúlmira Raisova jaýap berdi.
Ishki konkýrstar institýty
2016-shy jyldan bastap Qazaqstanda memlekettik qyzmettiń mańsaptyq modeli qoldanysqa engizildi. Bul modeldiń tiimdi jumys isteýi úshin Avstraliia, Frantsiia, Japoniia elderindegi memlekettik qyzmettiń tájiribesi negizge alynyp, ishki konkýrstar institýty engizildi. Mundai konkýrstar eki kezeńnen turady.
Bos laýazym paida bolǵan kezde memlekettik organ ishki konkýrstyń birinshi kezeńin ótkizedi. Oǵan birinshi kezekte osy organnyń tómengi laýazymdaryna ie qyzmetshiler qatysady. Mundai amaldar memlekettik qyzmetshilerge ózderiniń mansaptyq ilgerileýin uzaq merzimge josparlaýǵa múmkindik beredi.
Ishki konkýrstyń birinshi kezeńinde konkýrsty jariialaǵan memlekttik organnyń qyzmetshilerimen qatar onyń aýmaqtyq bólimsheleriniń qyzmetkerleri qatysa alady. Ol úshin tómengi laýazymdarda eńbek ótili bolýy shart jáne bos laýazymnyń mindetterin atqarýǵa sáikes keletin bilimi bolýy tiis.
Konkýrstyq irikteýdiń ashyqtyǵyn qamtamasyz etý maqsatynda Agenttikte jáne onyń aýmaqtyq departamentterinde apelliatsiialyq komissiialar jumys isteidi. Irikteýdiń nátijelerine kúmán keltirgen úmitkerler osy komissiialarǵa shaǵym túsirýge quqyly. Budan bólek olar sotqa da aryzdana alady. Osy kúnge deiin elimiz boiynsha 10 myńnan astam konkýrs jariialanyp, konkýrstyq irikteýdiń ádil ótýie kúmán keltirgen 30 adam apelliatsiialyq shaǵym túsirgen.
Mansaptyq ilgerileýdiń arqasynda jyl basynan beri ishki konkýrstardyń qorytyndysy boiynsha tómengi laýazymnan joǵary laýazymǵa aýysqan qyzmetshilerdiń sany 2 512 adamǵa jetti.
Ishki konkýrstardyń ekinshi kezeńi memlekettik qyzmettegi tiisti eńbek ótili bar barlyq memlekettik qyzmetshiler arasynda ótkiziledi. Jyl basynan beri 651 memlekettik qyzmetshiler ishki konkýrstardyń ekinshi kezeńi arqyly ótip, joǵary laýazymdarǵa taǵaiyndalǵan.
Konkýrstyń úshinshi kezeńi, iaǵni jalpy konkýrs, tek memlekettik qyzmetshiler arasynda tiisti úmitkerler anyqtalmaǵan jaǵdaida ǵana jariialanady. Oǵan barlyq azamattar qabyldana alady. Sonyń ishinde eńbek ótili joq joǵary oqý oryndarynyń túlekteri de qatysa alady.
Memlekettik qyzmet ótilin esepteý tártibi týraly
Memlekettik qyzmetshilerdiń eńbek ótilin esepteý máselesi búgingi kúnde eń ózekti máselelerdiń biri. Tóraǵanyń blogy men agenttiktiń resmi saityna keletin saýaldardyń basym bóligi naq osy máselege qatysty.
Memlekettik qyzmet ótiline memlekettik organdardaǵy atqarylǵan qyzmet ótili kiredi. Mansaptyq ilgerileý barysynda memlekettik qyzmet ótiliniń bolýy basty shart bolyp sanalady.
Ústimizdegi jyldyń shilde aiynan beri laýazymdyq jalaqyny bekitýge quqyq beretin eńbek ótilin esepteýdiń jańa erejeleri qoldanysqa engizildi.
Bul erejelerge sáikes, laýazymdyq jalaqyny bekitýge quqyq beretin eńbek ótiline áskeri qyzmet, quqyq qorǵaý jáne arnaiy memlekettik organdardaǵy qyzmet ótili, arnaiy oqý oryndaryndaǵy jáne arnaiy bastapqy oqytý oryndaryndaǵy bilim alý merzimi esepteledi. Alaida, eńbek ótiline tek otandyq bilim ordalaryndaǵy oqý merzimi esepteledi. (IIM, UQK, Bas prokýratýranyń Akademiialary jáne taratylǵan qarjy politsiiasynyń akademiiasy).
Sonymen qatar, laýazymdyq jalaqyny bekitýge quqyq beretin eńbek ótiline memlekettik mekemelerdegi basshylyq qyzmetterdegi eńbek ótili de qosyla alady. Bul jerde memlekettik mekeme qataryna memlekettik zańdy tulǵalar – memlekettik mekemeler men memlekettik kásiporyndar nazarǵa alynady.
Memlekettik organdardyń joldaýy boiynsha oqý merzimi, sonyń ishinde shetelde bilim alý merzimi, memlekettik qyzmet ótiline qosylýy múmkin eger qyzmetshi oqýǵa attanar kezde memlekettik qyzmette eńbek etse jáne oqýy aiaqtalysymen memlekettik qyzmetke oralsa.
Barlyq memlekettik organdarda eńbek ótilin bekitý jónindegi komissiia jumys isteidi. Memlekettik qyzmetshiler oǵan aryzdanýǵa quqyly.
Eske sala keteiik, 2016 jyldyń 1-shi qańtarynan bastap «Qazaqstan Respýblikasynyń Memlekettik qyzmeti týraly» Zań kúshine endi. Ol «Kásibi memlekettik apparat qalyptastyrý» aty birinshi institýtsionaldyq reformany júzege asyrýdyń zańnamalyq negizin qalady.
Agenttik atalǵan Zańnyń jáne «100 naqty qadam» Ult josparynyń júzege asyrylýyn qamtamasyz etetin basqa da normativtik-quqyqtyq aktilerdiń negizgi erejelerin túsindirý boiynsha jumystardy odan ári jalǵastyrady.
.jpeg)