Memlekettik hatshy Erlan Qarin Prezident Qasym-Jomart Toqaevtyń "Ekinshi respýblika" týraly pikirin túsindirdi, - dep habarlaidy Tengrinews.kz.
"Prezident Almaty turǵyndaryn Naýryz merekesimen quttyqtap, óz sózinde "Ekinshi respýblika" degen jańa anyqtamany qoldandy. Osyǵan bailanysty keibir sarapshylar bul uǵym qandai maǵyna bildiretinin jáne onyń buryn aitylǵan "Jańa Qazaqstan" tujyrymdamasyna qandai qatysy bar ekenin bilgisi keledi. Shyn máninde, bul eki ideologemanyń máni bir, tek aktsent ártúrlń qoiylady", - dep jazdy Qarin Telegram-da.
Onyń aitýynsha, Jańa Qazaqstan - elimizdiń bolashaǵynyń beinesi.
"Eń aldymen, áńgime qoǵamdyq qundylyqtardy jańartý jáne ulttyń jańa sapasyn qalyptastyrý týraly bolyp otyr. Tiisinshe, bul qańtar oqiǵalarynan keiin nemese Joldaýdan keiin birden jańa Qazaqstanda ómir súre bastadyq degendi bildirmeidi. Prezident "Jańa Qazaqstan" kontseptin usynyp, ulttyq qurylystyń jańa maqsatyn belgiledi. Jańa Qazaqstandy bir sátte, bir túnde qurý múmkin emes. Bul - qoǵamdyq qaita qurýdyń tereń ári uzaq protsesi", - dedi ol.
Memlekettik hatshy Prezident Joldaýynda saiasi reformalardyń jańa basymdyqtaryn jariialaǵannan keiin kópshilikke bilik institýttary arasynda túbegeili jańa konstitýtsiialyq tepe-teńdik qalyptasatyny túsinikti bolǵanyn aitty.
"Birinshiden, bul onyń sýper-prezidenttik basqarý formasynan kúshti parlamenti bar prezidenttik respýblikaǵa kóshý týraly bastamasyna qatysty bolyp otyr. Memleket basshysynyń osy Joldaýyn iske asyrý sheńberinde Konstitýtsiianyń 30-dan asa babyna jáne 20 zańǵa ózgeris engizý kózdeldi. Bul - óte aýqymdy reformalar jospary. Josparlanǵan jańalyqtar saiasi júieniń búkil konfigýratsiiasyn aitarlyqtai ózgertedi. Azamattardyń memleketti basqarýǵa qatysyn arttyrýǵa, jańa saiasi mádenietti qalyptastyrýǵa basa nazar aýdaryldy", - dedi ol.
Qarin memlekettik basqarý modeliniń ózgerýi týraly ǵana emes, sonymen qatar, memlekettik jáne qoǵamdyq damý paradigmasynyń ózgerisi týraly da aitýǵa bolatynyn atap ótti. Prezident bul protsesti naqty kórsetý úshin "Ekinshi respýblika" anyqtamasyn qoldanǵan.
"Ekinshi respýblika - jaqynda bolatyn ári aiqyn maqsat. Óitkeni Memleket basshysy usynǵan saiasi reformalardy júzege asyrý biylǵa josparlanyp otyr. Jańa Qazaqstan - qoǵam men ulttyń jańarýy, al Ekinshi respýblika - memlekettik modeldiń jańarýy", - dep túiindedi memlekettik hatshy.
