مەملەكەتتٸك حاتشى ەرلان قارين پرەزيدەنت قاسىم-جومارت توقاەۆتىڭ "ەكٸنشٸ رەسپۋبليكا" تۋرالى پٸكٸرٸن تٷسٸندٸردٸ, - دەپ حابارلايدى Tengrinews.kz.
"پرەزيدەنت الماتى تۇرعىندارىن ناۋرىز مەرەكەسٸمەن قۇتتىقتاپ, ٶز سٶزٸندە "ەكٸنشٸ رەسپۋبليكا" دەگەن جاڭا انىقتامانى قولداندى. وسىعان بايلانىستى كەيبٸر ساراپشىلار بۇل ۇعىم قانداي ماعىنا بٸلدٸرەتٸنٸن جەنە ونىڭ بۇرىن ايتىلعان "جاڭا قازاقستان" تۇجىرىمداماسىنا قانداي قاتىسى بار ەكەنٸن بٸلگٸسٸ كەلەدٸ. شىن مەنٸندە, بۇل ەكٸ يدەولوگەمانىڭ مەنٸ بٸر, تەك اكتسەنت ەرتٷرلڭ قويىلادى", - دەپ جازدى قارين Telegram-دا.
ونىڭ ايتۋىنشا, جاڭا قازاقستان - ەلٸمٸزدٸڭ بولاشاعىنىڭ بەينەسٸ.
"ەڭ الدىمەن, ەڭگٸمە قوعامدىق قۇندىلىقتاردى جاڭارتۋ جەنە ۇلتتىڭ جاڭا ساپاسىن قالىپتاستىرۋ تۋرالى بولىپ وتىر. تيٸسٸنشە, بۇل قاڭتار وقيعالارىنان كەيٸن نەمەسە جولداۋدان كەيٸن بٸردەن جاڭا قازاقستاندا ٶمٸر سٷرە باستادىق دەگەندٸ بٸلدٸرمەيدٸ. پرەزيدەنت "جاڭا قازاقستان" كونتسەپتٸن ۇسىنىپ, ۇلتتىق قۇرىلىستىڭ جاڭا ماقساتىن بەلگٸلەدٸ. جاڭا قازاقستاندى بٸر سەتتە, بٸر تٷندە قۇرۋ مٷمكٸن ەمەس. بۇل - قوعامدىق قايتا قۇرۋدىڭ تەرەڭ ەرٸ ۇزاق پروتسەسٸ", - دەدٸ ول.
مەملەكەتتٸك حاتشى پرەزيدەنت جولداۋىندا ساياسي رەفورمالاردىڭ جاڭا باسىمدىقتارىن جارييالاعاننان كەيٸن كٶپشٸلٸككە بيلٸك ينستيتۋتتارى اراسىندا تٷبەگەيلٸ جاڭا كونستيتۋتسييالىق تەپە-تەڭدٸك قالىپتاساتىنى تٷسٸنٸكتٸ بولعانىن ايتتى.
"بٸرٸنشٸدەن, بۇل ونىڭ سۋپەر-پرەزيدەنتتٸك باسقارۋ فورماسىنان كٷشتٸ پارلامەنتٸ بار پرەزيدەنتتٸك رەسپۋبليكاعا كٶشۋ تۋرالى باستاماسىنا قاتىستى بولىپ وتىر. مەملەكەت باسشىسىنىڭ وسى جولداۋىن ٸسكە اسىرۋ شەڭبەرٸندە كونستيتۋتسييانىڭ 30-دان اسا بابىنا جەنە 20 زاڭعا ٶزگەرٸس ەنگٸزۋ كٶزدەلدٸ. بۇل - ٶتە اۋقىمدى رەفورمالار جوسپارى. جوسپارلانعان جاڭالىقتار ساياسي جٷيەنٸڭ بٷكٸل كونفيگۋراتسيياسىن ايتارلىقتاي ٶزگەرتەدٸ. ازاماتتاردىڭ مەملەكەتتٸ باسقارۋعا قاتىسىن ارتتىرۋعا, جاڭا ساياسي مەدەنيەتتٸ قالىپتاستىرۋعا باسا نازار اۋدارىلدى", - دەدٸ ول.
قارين مەملەكەتتٸك باسقارۋ مودەلٸنٸڭ ٶزگەرۋٸ تۋرالى عانا ەمەس, سونىمەن قاتار, مەملەكەتتٸك جەنە قوعامدىق دامۋ پاراديگماسىنىڭ ٶزگەرٸسٸ تۋرالى دا ايتۋعا بولاتىنىن اتاپ ٶتتٸ. پرەزيدەنت بۇل پروتسەستٸ ناقتى كٶرسەتۋ ٷشٸن "ەكٸنشٸ رەسپۋبليكا" انىقتاماسىن قولدانعان.
"ەكٸنشٸ رەسپۋبليكا - جاقىندا بولاتىن ەرٸ ايقىن ماقسات. ٶيتكەنٸ مەملەكەت باسشىسى ۇسىنعان ساياسي رەفورمالاردى جٷزەگە اسىرۋ بيىلعا جوسپارلانىپ وتىر. جاڭا قازاقستان - قوعام مەن ۇلتتىڭ جاڭارۋى, ال ەكٸنشٸ رەسپۋبليكا - مەملەكەتتٸك مودەلدٸڭ جاڭارۋى", - دەپ تٷيٸندەدٸ مەملەكەتتٸك حاتشى.
