QMA Almaty qalasy boiynsha Departamenti uiymdasqan qylmystyq toptyń bes múshesine qatysty sotqa deiingi tergeýdi aiaqtady, dep habarlaidy "Ult aqparat" vedomstvonyń baspasóz qyzmetine silteme jasap.
Agenttik málimetinshe, top músheleri 2018-2020 jyldar aralyǵynda óz baqylaýyndaǵy 25 kompaniia arqyly 135 mlrd teńgege jýyq somaǵa jalǵan shot-faktýralar jazyp, kontragentter-satyp alýshylardyń biýdjetke tólenbegen salyqtar túrinde memleketke 39 mlrd teńgege jýyq shyǵyn keltirgen.
Sondai-aq, tergeý barysynda kontragent-satyp alýshylardyń baqylaýdaǵy kompaniialardyń banktik shottaryna túsken qarajattary shetel kompaniialarymen jalǵan sharttar jasasý arqyly respýblikadan tys jerlerge shyǵarylǵany, onda shetel valiýtasyndaǵy qaitarylmaǵan qarajattyń somasy 6,6 mln AQSh dollaryn quraǵandyǵy anyqtalǵan.
"Sot úkimimen bes aiyptalýshynyń barlyǵy kináli dep tanylyp, olarǵa 5 jyldan 7 jylǵa deiin bas bostandyǵynan aiyrý túrindegi ártúrli merzimge jaza taǵaiyndaldy.
Tárkilengen 65 myń AQSh dollary men 20 mln teńgeden astam qarjy memleket kirisine ainaldyryldy" - delingen habarlamada.
