قما الماتى قالاسى بويىنشا دەپارتامەنتٸ ۇيىمداسقان قىلمىستىق توپتىڭ بەس مٷشەسٸنە قاتىستى سوتقا دەيٸنگٸ تەرگەۋدٸ اياقتادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
اگەنتتٸك مەلٸمەتٸنشە, توپ مٷشەلەرٸ 2018-2020 جىلدار ارالىعىندا ٶز باقىلاۋىنداعى 25 كومپانييا ارقىلى 135 ملرد تەڭگەگە جۋىق سوماعا جالعان شوت-فاكتۋرالار جازىپ, كونتراگەنتتەر-ساتىپ الۋشىلاردىڭ بيۋدجەتكە تٶلەنبەگەن سالىقتار تٷرٸندە مەملەكەتكە 39 ملرد تەڭگەگە جۋىق شىعىن كەلتٸرگەن.
سونداي-اق, تەرگەۋ بارىسىندا كونتراگەنت-ساتىپ الۋشىلاردىڭ باقىلاۋداعى كومپانييالاردىڭ بانكتٸك شوتتارىنا تٷسكەن قاراجاتتارى شەتەل كومپانييالارىمەن جالعان شارتتار جاساسۋ ارقىلى رەسپۋبليكادان تىس جەرلەرگە شىعارىلعانى, وندا شەتەل ۆاليۋتاسىنداعى قايتارىلماعان قاراجاتتىڭ سوماسى 6,6 ملن اقش دوللارىن قۇراعاندىعى انىقتالعان.
"سوت ٷكٸمٸمەن بەس ايىپتالۋشىنىڭ بارلىعى كٸنەلٸ دەپ تانىلىپ, ولارعا 5 جىلدان 7 جىلعا دەيٸن باس بوستاندىعىنان ايىرۋ تٷرٸندەگٸ ەرتٷرلٸ مەرزٸمگە جازا تاعايىندالدى.
تەركٸلەنگەن 65 مىڭ اقش دوللارى مەن 20 ملن تەڭگەدەن استام قارجى مەملەكەت كٸرٸسٸنە اينالدىرىلدى" - دەلٸنگەن حابارلامادا.
