Foto: alash.kz
Elimizde aýqymdy sý tasqynynan zardap shekken azamattarǵa keltirilgen zalaldy óteý protsesi jalǵasýda. Úkimet bul jumysty Memleket basshysy Qasym-Jomart Toqaevtyń tapsyrmasy boiynsha júrgizýde, dep habarlaidy "Ult aqparat" Úkimetke silteme jasap.
Atyraý, Batys Qazaqstan, Qostanai, Soltústik Qazaqstan jáne respýblikanyń basqa da birqatar oblystarynyń turǵyndary arnaiy qurylǵan óńirlik komissiialarǵa tiisti ótinishter beredi. Búgingi tańda 16 343 ótinish qabyldanǵan.
Biylǵy 19 sáýirdegi jaǵdai boiynsha, zardap shekken óńirlerde 2787 otbasy shamamen 2,4 mlrd teńge somasyna 100 AEK mólsherinde birjolǵy tólem aldy. Keltirilgen materialdyq shyǵyn úshin ótemaqy kólemi 565,7 mln teńgege jetti. Bul qoldaý sharasy 1377 otbasyn qamtydy.
Búgingi tańda zardap shekken óńirlerde 3053 turǵyn úi tekserilip, 1807 nysan boiynsha baǵalaý júrgizildi.
Qazirdiń ózinde 206 otbasy 254 mln teńgeden astam somaǵa jóndeý jumystaryn júrgizýge tólem alyp úlgerdi.
Keltirilgen shyǵyndy óteý jumystary jalǵasýda jáne Úkimettiń qatań baqylaýynda. El Prezidentiniń tapsyrmasy boiynsha barlyq zardap shekken barlyq azamattarǵa jan-jaqty kómek pen qoldaý kórsetiledi.
