فوتو: alash.kz
ەلٸمٸزدە اۋقىمدى سۋ تاسقىنىنان زارداپ شەككەن ازاماتتارعا كەلتٸرٸلگەن زالالدى ٶتەۋ پروتسەسٸ جالعاسۋدا. ٷكٸمەت بۇل جۇمىستى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جٷرگٸزۋدە, دەپ حابارلايدى "ۇلت اقپارات" ٷكٸمەتكە سٸلتەمە جاساپ.
اتىراۋ, باتىس قازاقستان, قوستاناي, سولتٷستٸك قازاقستان جەنە رەسپۋبليكانىڭ باسقا دا بٸرقاتار وبلىستارىنىڭ تۇرعىندارى ارنايى قۇرىلعان ٶڭٸرلٸك كوميسسييالارعا تيٸستٸ ٶتٸنٸشتەر بەرەدٸ. بٷگٸنگٸ تاڭدا 16 343 ٶتٸنٸش قابىلدانعان.
بيىلعى 19 سەۋٸردەگٸ جاعداي بويىنشا, زارداپ شەككەن ٶڭٸرلەردە 2787 وتباسى شامامەن 2,4 ملرد تەڭگە سوماسىنا 100 اەك مٶلشەرٸندە بٸرجولعى تٶلەم الدى. كەلتٸرٸلگەن ماتەريالدىق شىعىن ٷشٸن ٶتەماقى كٶلەمٸ 565,7 ملن تەڭگەگە جەتتٸ. بۇل قولداۋ شاراسى 1377 وتباسىن قامتىدى.
بٷگٸنگٸ تاڭدا زارداپ شەككەن ٶڭٸرلەردە 3053 تۇرعىن ٷي تەكسەرٸلٸپ, 1807 نىسان بويىنشا باعالاۋ جٷرگٸزٸلدٸ.
قازٸردٸڭ ٶزٸندە 206 وتباسى 254 ملن تەڭگەدەن استام سوماعا جٶندەۋ جۇمىستارىن جٷرگٸزۋگە تٶلەم الىپ ٷلگەردٸ.
كەلتٸرٸلگەن شىعىندى ٶتەۋ جۇمىستارى جالعاسۋدا جەنە ٷكٸمەتتٸڭ قاتاڭ باقىلاۋىندا. ەل پرەزيدەنتٸنٸڭ تاپسىرماسى بويىنشا بارلىق زارداپ شەككەن بارلىق ازاماتتارعا جان-جاقتى كٶمەك پەن قولداۋ كٶرسەتٸلەدٸ.
