Memleket kedeishilikti eńserý úshin óte kóp is atqaryp jatyr. Bul týraly Nursultan Nazarbaev qorynyń direktory, Qazaqstan jastary kongresi Qamqorshylyq keńesiniń tóraiymy Dariǵa Nazarbaeva aitty, dep habarlaidy QazAqparat.
«Qazaqstanda kedeishilik sheginde ómir súretin adamdar kóp. Olar árbir qalada, aýdanda, aýylda bar. Olardy bilý, taǵdyrlaryna aralasyp, qindyqty eńserip, aiaǵynan nyq turýǵa kómektesý - siz ben bizdiń paryzymyz. Memleket kedeishilikti eńserý úshin óte kóp is atqaryp jatyr. Degenmen, ol barlyq ýaqytta birdei der ýaqytynda kelmeidi nemese qajetti adamǵa jete bermeidi. Menińshe, biz áleýmettik qyzmetterge belsendi kómek kórsetip, olardy meditsinalyq, azyq-túlik, qarjylyq, zańdyq kómekke muqtajdar týraly aqparattandyra alar edik. Sonymen qatar biz ómirlik qiyn jaǵdaiǵa tap bolǵan adamdarǵa kómek kórsetý úshin qajetti resýrstar tabýǵa, mundai máselelerge qoǵam nazaryn aýdarýǵa sep bola alar edik», - dedi ol «Jańa jaǵdaidaǵy jastar: Is-qimyl kezeńi» atty onlain forým barysynda.
Sonymen qatar Dariǵa Nursultanqyzy bul jumystarǵa mektep oqýshylaryn, stýdentter men qarapaiym eriktilerdi tartýǵa da múmkindik bar ekendigin basa aitty.
«Biz pandemiia tez arada aiaqtala qoiady dep oilamaimyz, onyń jaǵdaiynda áli uzaq ýaqyt áreket etýge daiyn bolýymyz kerek. Ol qoldaýdy qajet etetin adamdarǵa barynsha kómek kórsetýdi jalǵastyrý kerek degen sóz. Jastar úshin qoǵamǵa, iaǵni elimizge qaltqysyz qyzmet etýden mańyzdy is bolýy múmkin be? Osy qyzmet arqyly sizder tájiribe jinaqtaisyzdar, qurmet pen bedelge ie bolasyzdar jáne ómirde kóp jetistikterge jetesizder. Men sizderge shyn júrekten osyndai igilikterdi tileimin. Osyndai ómirlik ustanym jańa urpaqqa, jańa adamdarǵa kez kelgen daǵdarysty jeńýge jáne ulttyq egemendigimizdi nyǵaitýǵa kúsh-qýat beredi dep senemin», - dedi Dariǵa Nazarbaeva.
Aita keteiik, Aqparat jáne qoǵamdyq damý ministrligi Qazaqstan Jastar kongresimen seriktestikte respýblikanyń barlyq aimaqtaryn onlain formatta bailanystyra otyryp, «Jańa jaǵdaidaǵy jastar: Is-qimyl kezeńi» respýblikalyq jastar bilim berý jobasyn iske qosty. Atalmysh shara biylǵy jyly onlain formatynda ótip jatqan «Zeren» bilim berý lageri aiasynda uiymdastyryldy.
