مەملەكەت كەدەيشٸلٸكتٸ ەڭسەرۋ ٷشٸن ٶتە كٶپ ٸس اتقارىپ جاتىر. بۇل تۋرالى نۇرسۇلتان نازارباەۆ قورىنىڭ ديرەكتورى, قازاقستان جاستارى كونگرەسٸ قامقورشىلىق كەڭەسٸنٸڭ تٶرايىمى داريعا نازارباەۆا ايتتى, دەپ حابارلايدى قازاقپارات.
«قازاقستاندا كەدەيشٸلٸك شەگٸندە ٶمٸر سٷرەتٸن ادامدار كٶپ. ولار ەربٸر قالادا, اۋداندا, اۋىلدا بار. ولاردى بٸلۋ, تاعدىرلارىنا ارالاسىپ, قيندىقتى ەڭسەرٸپ, اياعىنان نىق تۇرۋعا كٶمەكتەسۋ - سٸز بەن بٸزدٸڭ پارىزىمىز. مەملەكەت كەدەيشٸلٸكتٸ ەڭسەرۋ ٷشٸن ٶتە كٶپ ٸس اتقارىپ جاتىر. دەگەنمەن, ول بارلىق ۋاقىتتا بٸردەي دەر ۋاقىتىندا كەلمەيدٸ نەمەسە قاجەتتٸ ادامعا جەتە بەرمەيدٸ. مەنٸڭشە, بٸز ەلەۋمەتتٸك قىزمەتتەرگە بەلسەندٸ كٶمەك كٶرسەتٸپ, ولاردى مەديتسينالىق, ازىق-تٷلٸك, قارجىلىق, زاڭدىق كٶمەككە مۇقتاجدار تۋرالى اقپاراتتاندىرا الار ەدٸك. سونىمەن قاتار بٸز ٶمٸرلٸك قيىن جاعدايعا تاپ بولعان ادامدارعا كٶمەك كٶرسەتۋ ٷشٸن قاجەتتٸ رەسۋرستار تابۋعا, مۇنداي مەسەلەلەرگە قوعام نازارىن اۋدارۋعا سەپ بولا الار ەدٸك», - دەدٸ ول «جاڭا جاعدايداعى جاستار: ٸس-قيمىل كەزەڭٸ» اتتى ونلاين فورۋم بارىسىندا.
سونىمەن قاتار داريعا نۇرسۇلتانقىزى بۇل جۇمىستارعا مەكتەپ وقۋشىلارىن, ستۋدەنتتەر مەن قاراپايىم ەرٸكتٸلەردٸ تارتۋعا دا مٷمكٸندٸك بار ەكەندٸگٸن باسا ايتتى.
«بٸز پاندەمييا تەز ارادا اياقتالا قويادى دەپ ويلامايمىز, ونىڭ جاعدايىندا ەلٸ ۇزاق ۋاقىت ەرەكەت ەتۋگە دايىن بولۋىمىز كەرەك. ول قولداۋدى قاجەت ەتەتٸن ادامدارعا بارىنشا كٶمەك كٶرسەتۋدٸ جالعاستىرۋ كەرەك دەگەن سٶز. جاستار ٷشٸن قوعامعا, ياعني ەلٸمٸزگە قالتقىسىز قىزمەت ەتۋدەن ماڭىزدى ٸس بولۋى مٷمكٸن بە? وسى قىزمەت ارقىلى سٸزدەر تەجٸريبە جيناقتايسىزدار, قۇرمەت پەن بەدەلگە يە بولاسىزدار جەنە ٶمٸردە كٶپ جەتٸستٸكتەرگە جەتەسٸزدەر. مەن سٸزدەرگە شىن جٷرەكتەن وسىنداي يگٸلٸكتەردٸ تٸلەيمٸن. وسىنداي ٶمٸرلٸك ۇستانىم جاڭا ۇرپاققا, جاڭا ادامدارعا كەز كەلگەن داعدارىستى جەڭۋگە جەنە ۇلتتىق ەگەمەندٸگٸمiزدٸ نىعايتۋعا كٷش-قۋات بەرەدٸ دەپ سەنەمٸن», - دەدٸ داريعا نازارباەۆا.
ايتا كەتەيٸك, اقپارات جەنە قوعامدىق دامۋ مينيسترلٸگٸ قازاقستان جاستار كونگرەسٸمەن سەرٸكتەستٸكتە رەسپۋبليكانىڭ بارلىق ايماقتارىن ونلاين فورماتتا بايلانىستىرا وتىرىپ, «جاڭا جاعدايداعى جاستار: ٸس-قيمىل كەزەڭٸ» رەسپۋبليكالىق جاستار بٸلٸم بەرۋ جوباسىن ٸسكە قوستى. اتالمىش شارا بيىلعى جىلى ونلاين فورماتىندا ٶتٸپ جاتقان «زەرەن» بٸلٸم بەرۋ لاگەرٸ اياسىندا ۇيىمداستىرىلدى.
