Foto: primeminister.kz
Biyl respýblikalyq biýdjettiń kirisi ósedi. Bul týraly Úkimet basshysy Álihan Smaiylov Parlament palatalarynyń birlesken otyrysynda Úkimettiń jáne Joǵary aýditorlyq palatanyń 2022 jylǵy respýblikalyq biýdjettiń atqarylýy týraly esepterin qarastyrý kezinde aitty, dep habarlaidy QazAqparat.
Birlesken otyrysta depýtattar memlekettik qaryzdy azaitý úshin qandai qadamdar jasalyp jatqanyn surady.
Premer-Ministr memlekettik boryshty azaitý máselesi Úkimettiń turaqty nazarynda turǵanyn aitty.
«Qaryz somasy qaýipsiz deńgeide tur. Jalpy ishki ónimge shaqqanda 24,7 paiyzdy qurady. Memlekettik qaryzdy azaitý jáne soǵan qatysty biýdjet shyǵyndaryn tómendetý máselesin sheshý úshin Úkimet birqatar sharany qabyldady. Birinshiden, respýblikalyq biýdjettiń tapshylyqty kezeń-kezeń tómendetý eskerilgen. Bul óz kezeginde jańa qaryzdardy alýdy shekteidi. Ekinshiden, biýdjet kirisin ulǵaitýǵa ekpin qoiylǵan. Bul turǵyda salyq ári keden salasyndaǵy ákimshilendirý ary qarai jetildirilmek, iaǵni tsifrlandyrý jalǵasady. Máselen, byltyrdyń qorytyndysy boiynsha respýblikalyq biýdjettiń kirisi 42 paiyzǵa ósti. Al biyl da ósim 40 paiyz shamasynda bolady dep josparlanǵan», - dedi Smaiylov depýtattardyń suraǵyna jaýap bere otyryp.
Onyń aitýynsha, qaryzdy ishki naryqtan teńge valiýtasynda alýǵa ekpin qoiylyp otyr. Bul óz kezeginde valiýta salasyndaǵy táýekelderdi azaitýǵa múmkindik beredi.
«Jalpy, keler 5 jylda memlekettiń qaryzy qaýipsiz deńgeide bolady. Jalpy ishki ónimge shaqqanda 25 paiyzdan sheginen aspaidy dep esepteimiz», - dedi Úkimet basshysy.
