فوتو: primeminister.kz
بيىل رەسپۋبليكالىق بيۋدجەتتٸڭ كٸرٸسٸ ٶسەدٸ. بۇل تۋرالى ٷكٸمەت باسشىسى ەليحان سمايىلوۆ پارلامەنت پالاتالارىنىڭ بٸرلەسكەن وتىرىسىندا ٷكٸمەتتٸڭ جەنە جوعارى اۋديتورلىق پالاتانىڭ 2022 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن قاراستىرۋ كەزٸندە ايتتى, دەپ حابارلايدى قازاقپارات.
بٸرلەسكەن وتىرىستا دەپۋتاتتار مەملەكەتتٸك قارىزدى ازايتۋ ٷشٸن قانداي قادامدار جاسالىپ جاتقانىن سۇرادى.
پرەمەر-مينيستر مەملەكەتتٸك بورىشتى ازايتۋ مەسەلەسٸ ٷكٸمەتتٸڭ تۇراقتى نازارىندا تۇرعانىن ايتتى.
«قارىز سوماسى قاۋٸپسٸز دەڭگەيدە تۇر. جالپى ٸشكٸ ٶنٸمگە شاققاندا 24,7 پايىزدى قۇرادى. مەملەكەتتٸك قارىزدى ازايتۋ جەنە سوعان قاتىستى بيۋدجەت شىعىندارىن تٶمەندەتۋ مەسەلەسٸن شەشۋ ٷشٸن ٷكٸمەت بٸرقاتار شارانى قابىلدادى. بٸرٸنشٸدەن, رەسپۋبليكالىق بيۋدجەتتٸڭ تاپشىلىقتى كەزەڭ-كەزەڭ تٶمەندەتۋ ەسكەرٸلگەن. بۇل ٶز كەزەگٸندە جاڭا قارىزداردى الۋدى شەكتەيدٸ. ەكٸنشٸدەن, بيۋدجەت كٸرٸسٸن ۇلعايتۋعا ەكپٸن قويىلعان. بۇل تۇرعىدا سالىق ەرٸ كەدەن سالاسىنداعى ەكٸمشٸلەندٸرۋ ارى قاراي جەتٸلدٸرٸلمەك, ياعني تسيفرلاندىرۋ جالعاسادى. مەسەلەن, بىلتىردىڭ قورىتىندىسى بويىنشا رەسپۋبليكالىق بيۋدجەتتٸڭ كٸرٸسٸ 42 پايىزعا ٶستٸ. ال بيىل دا ٶسٸم 40 پايىز شاماسىندا بولادى دەپ جوسپارلانعان», - دەدٸ سمايىلوۆ دەپۋتاتتاردىڭ سۇراعىنا جاۋاپ بەرە وتىرىپ.
ونىڭ ايتۋىنشا, قارىزدى ٸشكٸ نارىقتان تەڭگە ۆاليۋتاسىندا الۋعا ەكپٸن قويىلىپ وتىر. بۇل ٶز كەزەگٸندە ۆاليۋتا سالاسىنداعى تەۋەكەلدەردٸ ازايتۋعا مٷمكٸندٸك بەرەدٸ.
«جالپى, كەلەر 5 جىلدا مەملەكەتتٸڭ قارىزى قاۋٸپسٸز دەڭگەيدە بولادى. جالپى ٸشكٸ ٶنٸمگە شاققاندا 25 پايىزدان شەگٸنەن اسپايدى دەپ ەسەپتەيمٸز», - دەدٸ ٷكٸمەت باسشىسى.
