Bul týraly Prezidenttiń baspasóz hatshysy Aibek Smadiiarov málimdedi, dep habarlaidy ult.kz.
Memleket basshysy Qasym-Jomart Toqaev qazaqstandyq ataqty boksshy Gennadii Golovkinniń esimi Halyqaralyq boks dańqy zalyna resmi túrde jazylýyna bailanysty quttyqtaý joldady.
Prezident bul oqiǵany tarihi jetistik dep atap, onyń aty ańyzǵa ainalǵan sportshynyń álemdik bokstaǵy orny men bedelin taǵy bir márte dáleldeitinin aitty.
«Bul tarihi ýaqiǵa aty ańyzǵa ainalǵan otandasymyzdyń jahandyq sporttaǵy qoltańbasy airyqsha mańyzǵa ie ekenin aiǵaqtaidy. Sondai-aq Qazaqstannyń álemdik arenadaǵy shynaiy kelbeti men bedelin qalyptastyrýǵa qosqan eleýli úlesin kórsetedi», – delingen quttyqtaýda.
Memleket basshysynyń pikirinshe, Gennadii Golovkin – Qazaqstannyń maqtanyshy ári halyqaralyq sport qoǵamdastyǵyndaǵy mańyzdy elshileriniń biri.
Qasym-Jomart Toqaev álemniń úzdik boksshylarynyń biri sanalatyn Golovkinniń jetistikteri jas sportshylarǵa shabyt berip, olardy jańa biikterdi baǵyndyrýǵa jetelei beretinine senim bildirdi.
