بۇل تۋرالى پرەزيدەنتتٸڭ باسپاسٶز حاتشىسى ايبەك سماديياروۆ مەلٸمدەدٸ, دەپ حابارلايدى ult.kz.
مەملەكەت باسشىسى قاسىم-جومارت توقاەۆ قازاقستاندىق اتاقتى بوكسشى گەنناديي گولوۆكيننٸڭ ەسٸمٸ حالىقارالىق بوكس داڭقى زالىنا رەسمي تٷردە جازىلۋىنا بايلانىستى قۇتتىقتاۋ جولدادى.
پرەزيدەنت بۇل وقيعانى تاريحي جەتٸستٸك دەپ اتاپ, ونىڭ اتى اڭىزعا اينالعان سپورتشىنىڭ ەلەمدٸك بوكستاعى ورنى مەن بەدەلٸن تاعى بٸر مەرتە دەلەلدەيتٸنٸن ايتتى.
«بۇل تاريحي ۋاقيعا اتى اڭىزعا اينالعان وتانداسىمىزدىڭ جاھاندىق سپورتتاعى قولتاڭباسى ايرىقشا ماڭىزعا يە ەكەنٸن ايعاقتايدى. سونداي-اق قازاقستاننىڭ ەلەمدٸك ارەناداعى شىنايى كەلبەتٸ مەن بەدەلٸن قالىپتاستىرۋعا قوسقان ەلەۋلٸ ٷلەسٸن كٶرسەتەدٸ», – دەلٸنگەن قۇتتىقتاۋدا.
مەملەكەت باسشىسىنىڭ پٸكٸرٸنشە, گەنناديي گولوۆكين – قازاقستاننىڭ ماقتانىشى ەرٸ حالىقارالىق سپورت قوعامداستىعىنداعى ماڭىزدى ەلشٸلەرٸنٸڭ بٸرٸ.
قاسىم-جومارت توقاەۆ ەلەمنٸڭ ٷزدٸك بوكسشىلارىنىڭ بٸرٸ سانالاتىن گولوۆكيننٸڭ جەتٸستٸكتەرٸ جاس سپورتشىلارعا شابىت بەرٸپ, ولاردى جاڭا بيٸكتەردٸ باعىندىرۋعا جەتەلەي بەرەتٸنٸنە سەنٸم بٸلدٸردٸ.
