Prezident Qasym-Jomart Toqaevtyń Almaty oblysyna jumys sapary Alataý qalasynyń damý josparymen tanysýdan bastaldy, dep habarlaidy ult.kz.
Qazirgi kezde qala aýdany 88 myń gektardy quraidy. Shahar 2050 jylǵa deiin kezeń-kezeńimen damytylatyn 4 arnaýly aýmaqqa bólingen. Sonymen qatar qalanyń negizgi damý aimaqtary men tabys kózderi aiqyndalyp jatyr. Magistraldy infraqurylymdy ilgeriletý boiynsha jol kartasy qolǵa alynǵan.
Basqarýdyń jańa modelin qalyptastyratyn Konstitýtsiialyq zań qabyldandy.
Búginde Gate City turǵyn úi alaby jedel órkendep keledi. Munda «jaily mektep» boi kóterip, «Mareven Fýd», «KNAÝF», Fruit Art, Dolce Pharm jáne Almaty jeldetkish zaýyty sekildi júie quraityn kásiporyndar jumys isteidi.
Budan bólek, 53 investitsiialyq jobadan turatyn pýl jasaqtaldy. Onyń jalpy somasy 2 trillion teńgeden asady.
Atap aitqanda, PepsiCo kompaniiasy Ortalyq Aziiadaǵy kartop óńdeitin eń iri zaýyt salyp jatyr. Mars Petcare kompaniiasy úi janýarlaryna arnalǵan azyq óndiretin óńirdegi alǵashqy zamanaýi ári biregei jobany qolǵa aldy. KHAN TENGRI BIOPHARMA kompaniiasy dári-dármek pen meditsinalyq qondyrǵylar shyǵarýmen ainalysady. «Istkomtrans» jáne G-Trans kompaniialary logistikalyq klaster qurýda.
Memleket basshysyna Iconic Complex jobasy tanystyryldy. Bul Alataýdaǵy kópfýnktsionaldy ozyq keshen sanalady. Qaladaǵy negizgi nysannyń biri Gate District aýdanynda boi kótermek.
