مەملەكەت باسشىسى قاسىم-جومارت توقاەۆ الاتاۋ قالاسىن دامىتۋ جٶنٸندەگٸ كەڭەستە سٶيلەگەن سٶزٸندە قوعامدىق تەرتٸپ پەن زاڭعا قۇرمەت مەسەلەسٸنە ەرەكشە توقتالدى, دەپ حابارلايدى ult.kz.
پرەزيدەنتتٸڭ ايتۋىنشا, ەلدٸ مەكەندەردٸ اباتتاندىرۋ, اۋماقتاردى كٶگالداندىرۋ جەنە ەكولوگييالىق مەدەنيەتتٸ قالىپتاستىرۋ جۇمىستارى تۇراقتى نازاردا بولۋى تيٸس. سونداي-اق تۋريستٸك نىساندار مەن تابيعي اۋماقتارداعى تەرتٸپكە دە قاتاڭ باقىلاۋ قاجەت ەكەنٸن ايتتى.
– تەرتٸپ بۇزۋشىلاردى, ياعني ۆاندالداردى زاڭعا سەيكەس جاۋاپقا تارتۋ قاجەت. بٸر سٶزبەن, قۇقىقتىق نيگيليزمگە قوعام بولىپ قارسى تۇرۋىمىز كەرەك, – دەدٸ مەملەكەت باسشىسى.
قاسىم-جومارت توقاەۆ زاڭعا باعىنۋ جازادان قورقۋمەن ەمەس, ازاماتتىق جاۋاپكەرشٸلٸكپەن بايلانىستى ەكەنٸن اتاپ ٶتتٸ.
– زاڭ مەن تەرتٸپكە قۇرمەتپەن قاراۋ دەگەنٸمٸز – جازادان قورقۋ ەمەس, بۇل – ەڭ الدىمەن جاۋاپكەرشٸلٸك سەزٸمٸ جوعارى ازاماتتارعا تەن ايرىقشا بولمىس, – دەدٸ پرەزيدەنت.
مەملەكەت باسشىسى قازٸرگٸ كٷردەلٸ گەوساياسي جاعدايدا قازاقستان ٷشٸن تاتۋلىق پەن تۇراقتىلىقتىڭ ماڭىزى زور ەكەنٸن ايتتى. ونىڭ سٶزٸنشە, زاڭ ٷستەمدٸگٸ ساقتالمايىنشا, ەشقانداي رەفورما مەن وڭ ٶزگەرٸس جٷزەگە اسپايدى.
سونىمەن قاتار پرەزيدەنت قۇقىق قورعاۋ ورگاندارى زاڭ بۇزۋشىلىقتارعا قاتىستى قاتاڭ شارالار قولدانۋى قاجەت ەكەنٸن جەتكٸزدٸ.
– كەيبٸر ەلٸمٸزدٸ جاقتىرمايتىن, مەنسٸنبەيتٸن كٸسٸلەر, ٶكٸنٸشكە قاراي, سولاردىڭ ٸشٸندە پارلامەنت دەپۋتاتتارى بار, قۇقىقتىق ەرەكەتتەرٸمٸزدٸ “شترافستان”, “ايىپپۇلستان” دەپ اتايدى ەكەن. مەيلٸ, ٶز ويلارىنىڭ كەلتەلٸگٸن كٶرسەتە بەرسٸن, – دەدٸ ول.
پرەزيدەنتتٸڭ ايتۋىنشا, قوعامنىڭ باستى تالابى – قاۋٸپسٸزدٸك پەن قوعامدىق تەرتٸپ.
– بٸز وسى جولدان تايمايمىز, باتىل تٷردە “زاڭ مەن تەرتٸپ” ساياساتىن جٷرگٸزەمٸز. سەبەبٸ بۇل – حالقىمىزدىڭ تالابى, حالقىمىزدىڭ سۇرانىسى, – دەپ تٷيٸندەدٸ قاسىم-جومارت توقاەۆ.
