Memleket basshysy Qasym-Jomart Toqaev qazaqstandyqtardy Abai kúnimen quttyqtady, dep habarlaidy ult.kz.
Prezident óz quttyqtaýynda uly oishyldyń shyǵarmashylyq jáne ziiatkerlik murasy álemdik ári ulttyq mádeniettiń asyl qazynasynan erekshe oryn alatynyn atap ótti.
«Abai ilimi – rýhani shamshyraǵymyz, ainymas temirqazyǵymyz», – dedi Memleket basshysy.
Qasym-Jomart Toqaev Abaidyń halyqty bilimge, eńbekqorlyqqa, jaýapkershilikke shaqyrǵanyn jáne qoǵamdy birlik pen kelisimdi saqtaýǵa úndegenin atap ótti. Sondai-aq aqynnyń «Tolyq adam» ideiasy azamattardy rýhani kemeldenýge jeteleitin ózekti tujyrym ekenin aitty.
Prezident biylǵy Abai kúni elimizdegi aýqymdy ózgerister kezeńimen tuspa-tus kelgenine nazar aýdardy. Onyń aitýynsha, Qazaqstannyń jańa Konstitýtsiiasynyń kúshine enýi bilik institýttaryn jańǵyrtý úderisine jol ashyp, eldiń uzaq merzimdi damý baǵytyn aiqyndaityn mańyzdy kezeń boldy.
Memleket basshysy Abai murasy qazirgi Qazaqstannyń «Adal Azamat», «Taza Qazaqstan», «Zań men Tártip» siiaqty qundylyqtarymen úndesetinin atap ótti.
«Biz Ádiletti, Ozyq ári Qýatty Qazaqstandy quryp jatyrmyz», – dedi Prezident.
Qasym-Jomart Toqaev uly oishyldyń mol murasy óskeleń urpaqty otanshyldyq pen týǵan elge degen súiispenshilik rýhynda tárbieleýge aldaǵy ýaqytta da rýhani negiz bolatynyna senim bildirdi.
Prezident barsha qazaqstandyqtarǵa amandyq pen tabys tilep, Abai kúnimen quttyqtady.
