Memleket basshysynyń tapsyrmasy boiynsha áýe apatynyń sebepterin anyqtaý jumystary bastaldy, - dep habarlaidy «Ult aqparat».
QR Prezidenti Qasym-Jomart Toqaev Almaty mańynda bolǵan ushaq apatynyń sebepterin anyqtaýdy tapsyrdy.
«Almaty áýejaiynda apatqa ushyraǵan ushaqta qaza bolǵan áskeri qyzmetkerlerdiń týystary men jaqyndaryna kóńil aitamyn. Jaraqat alǵandardyń tezirek saýyǵyp ketýin tileimin. Meniń tapsyrmam boiynsha áýe apatynyń sebepterin anyqtaý jumystary bastaldy. Bundai oqys oqiǵalar qaitalanbaýy kerek», - dep jazdy Prezident Twitter paraqshasynda.
Eske sala keteiik, Nur-Sultan-Almaty baǵytynda ushqan An-26 áskeri ushaǵy apatqa ushyrap, tórt adam qaitys boldy, zardap shekken 2 adam Almaty qalasyndaǵy №4 qalalyq klinikalyq aýrýhanaǵa jetkizildi.
Ushaq radardan joǵalyp, Almaty áýejaiyna apatty jaǵdaida qonǵany týraly aqparat 13 naýryzda saǵat 17:25-te tústi. Apat bolǵan jerde órt shyqty. Qazirgi ýaqytta órt sóndirildi. Oqiǵa ornyna 10 reanimatsiialyq jedel járdem brigadasy keldi.
