Memleket basshysy Qasym-Jomart Toqaev shaǵyn biznes úshin arnaiy qoldaý sharalaryn qarastyrýdy tapsyrdy, dep habarlaidy QazAqparat.
«Suranystyń azaiýy, aktivter men kepilge qoiylǵan múlikterdiń naryqtyq qunynyń tómendeýi jaǵdaiynda «Damý» qorymen nesieni kepildendirý tetikterin paidalaný asa mańyzdy. Qordyń kepildigi ainalym qarjysyn nesieleý boiynsha Ulttyq bank baǵdarlamasy aiasynda beriletin zaimdarǵa taralatyn bolady», - dedi Przident Tótenshe jaǵdai rejimin qamtamasyz etý jónindegi memlekettik komissiianyń otyrysynda.
Osy oraida Przident onyń kólemi 600 mlrd teńge ekenin jáne bul soma qajet bolǵanda artatynyn jetkizdi.
Ekonomikany nesieleýdi keńeiti úshin Qarjy naryǵyn retteý jáne damytý agenttigi tiisti sharalardy qabyldady. Bul óz kezeginde bank sektorynda 600 mlrd teńgege jýyq qarjyny bosatýǵa múmkindik berip, bul qarajat el ekonomikasyna baǵyttalýy tiis.
«Ekonomikany nesieleýge bankterdiń múmkindikterin keńeitetin qosymsha ýaqytsha prýdentsialdy sharalar keshenin ázirleý kerek. Mikro ári shaǵyn kásipkerlikke jekelei nazar aýdarý kerek. Olardyń tolyqqandy standartty banktik ónimderdi paidalaný múmindikteri tym shektelgen», - dedi Memleket basshysy.
Osyǵan bailanysty Qasym-Jomart Toqaev «Biznestiń jol kartasy» baǵdarlamasy aiasynda shaǵyn biznes úshin arnaiy sharalardy qarastyrýdy tapsyrdy.
«Úkimet pen «Atameken» atalǵan baǵytty qarjylandyrý kólemi boiynsha sharalardy aiqyndaýy tiis.
