مەملەكەت باسشىسى قاسىم-جومارت توقاەۆ شاعىن بيزنەس ٷشٸن ارنايى قولداۋ شارالارىن قاراستىرۋدى تاپسىردى, دەپ حابارلايدى قازاقپارات.
«سۇرانىستىڭ ازايۋى, اكتيۆتەر مەن كەپٸلگە قويىلعان مٷلٸكتەردٸڭ نارىقتىق قۇنىنىڭ تٶمەندەۋٸ جاعدايىندا «دامۋ» قورىمەن نەسيەنٸ كەپٸلدەندٸرۋ تەتٸكتەرٸن پايدالانۋ اسا ماڭىزدى. قوردىڭ كەپٸلدٸگٸ اينالىم قارجىسىن نەسيەلەۋ بويىنشا ۇلتتىق بانك باعدارلاماسى اياسىندا بەرٸلەتٸن زايمدارعا تارالاتىن بولادى», - دەدٸ پرزيدەنت تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ وتىرىسىندا.
وسى ورايدا پرزيدەنت ونىڭ كٶلەمٸ 600 ملرد تەڭگە ەكەنٸن جەنە بۇل سوما قاجەت بولعاندا ارتاتىنىن جەتكٸزدٸ.
ەكونوميكانى نەسيەلەۋدٸ كەڭەيتٸ ٷشٸن قارجى نارىعىن رەتتەۋ جەنە دامىتۋ اگەنتتٸگٸ تيٸستٸ شارالاردى قابىلدادى. بۇل ٶز كەزەگٸندە بانك سەكتورىندا 600 ملرد تەڭگەگە جۋىق قارجىنى بوساتۋعا مٷمكٸندٸك بەرٸپ, بۇل قاراجات ەل ەكونوميكاسىنا باعىتتالۋى تيٸس.
«ەكونوميكانى نەسيەلەۋگە بانكتەردٸڭ مٷمكٸندٸكتەرٸن كەڭەيتەتٸن قوسىمشا ۋاقىتشا پرۋدەنتسيالدى شارالار كەشەنٸن ەزٸرلەۋ كەرەك. ميكرو ەرٸ شاعىن كەسٸپكەرلٸككە جەكەلەي نازار اۋدارۋ كەرەك. ولاردىڭ تولىققاندى ستاندارتتى بانكتٸك ٶنٸمدەردٸ پايدالانۋ مٷمٸندٸكتەرٸ تىم شەكتەلگەن», - دەدٸ مەملەكەت باسشىسى.
وسىعان بايلانىستى قاسىم-جومارت توقاەۆ «بيزنەستٸڭ جول كارتاسى» باعدارلاماسى اياسىندا شاعىن بيزنەس ٷشٸن ارنايى شارالاردى قاراستىرۋدى تاپسىردى.
«ٷكٸمەت پەن «اتامەكەن» اتالعان باعىتتى قارجىلاندىرۋ كٶلەمٸ بويىنشا شارالاردى ايقىنداۋى تيٸس.
