Memleket basshysy Qasym-Jomart Toqaev Pavlodar oblysynyń ákimi Ábilqaiyr Sqaqovty qabyldady, dep habarlaidy Aqorda.
Qazaqstan Prezidentine Pavlodar oblysyndaǵy biylǵy jyldyń 10 aiynda atqarylǵan jumystardyń qorytyndysy jaiynda baiandaldy. Óńirdiń áleýmettik-ekonomikalyq damýynda oń dinamika baiqalady.
Oblys ákiminiń aitýynsha, «Jumyspen qamtý» Jol kartasy sheńberinde 227 joba iske asqan. Búginde onyń 77 paiyzy tolyq aiaqtalǵan. Qalǵan 23 paiyzyn jyl sońyna deiin aiaqtaý josparlanǵan.
Ábilqaiyr Sqaqov óńirdegi densaýlyq saqtaý salasy boiynsha júzege asyrylǵan jumystar jaiynda aitty. Onyń ishinde, koronavirýs pandemiiasyn aýyzdyqtaýǵa qatysty qabyldaǵan sharalardy atap ótti. Aimaq basshysy búginde jaǵdai kúrdeli bolǵanymen, tolyq baqylaýda turǵanyna, aýrýhanalar meditsinalyq quraldarmen jabdyqtalyp, dári-dármek qorynyń jetkilikti ekenine toqtaldy. Sonymen qatar 600 meditsina qyzmetkeriniń bilimi jetildirilgen. Óńirde jańadan 4 PTR synamasyn alatyn labarotoriia ashylǵan. Oblysta kúnine 3 myńǵa jýyq PTR synamasy alynady.
Qasym-Jomart Toqaev Pavlodar oblysynyń respýblikadaǵy mańyzdy aimaqtardyń biri ekenin, óńirge jan-jaqty qoldaý kórsetiletin aitty. Prezident oblys ákimine halyqty jumyspen qamtý jumystaryn jalǵastyryp, aimaqtyń áleýmettik-ekonomikalyq damý qarqynyn túsirmeýge bailanysty birqatar tapsyrma berdi.
