مەملەكەت باسشىسى قاسىم-جومارت توقاەۆ پاۆلودار وبلىسىنىڭ ەكٸمٸ ەبٸلقايىر سقاقوۆتى قابىلدادى, دەپ حابارلايدى اقوردا.
قازاقستان پرەزيدەنتٸنە پاۆلودار وبلىسىنداعى بيىلعى جىلدىڭ 10 ايىندا اتقارىلعان جۇمىستاردىڭ قورىتىندىسى جايىندا باياندالدى. ٶڭٸردٸڭ ەلەۋمەتتٸك-ەكونوميكالىق دامۋىندا وڭ ديناميكا بايقالادى.
وبلىس ەكٸمٸنٸڭ ايتۋىنشا, «جۇمىسپەن قامتۋ» جول كارتاسى شەڭبەرٸندە 227 جوبا ٸسكە اسقان. بٷگٸندە ونىڭ 77 پايىزى تولىق اياقتالعان. قالعان 23 پايىزىن جىل سوڭىنا دەيٸن اياقتاۋ جوسپارلانعان.
ەبٸلقايىر سقاقوۆ ٶڭٸردەگٸ دەنساۋلىق ساقتاۋ سالاسى بويىنشا جٷزەگە اسىرىلعان جۇمىستار جايىندا ايتتى. ونىڭ ٸشٸندە, كوروناۆيرۋس پاندەميياسىن اۋىزدىقتاۋعا قاتىستى قابىلداعان شارالاردى اتاپ ٶتتٸ. ايماق باسشىسى بٷگٸندە جاعداي كٷردەلٸ بولعانىمەن, تولىق باقىلاۋدا تۇرعانىنا, اۋرۋحانالار مەديتسينالىق قۇرالدارمەن جابدىقتالىپ, دەرٸ-دەرمەك قورىنىڭ جەتكٸلٸكتٸ ەكەنٸنە توقتالدى. سونىمەن قاتار 600 مەديتسينا قىزمەتكەرٸنٸڭ بٸلٸمٸ جەتٸلدٸرٸلگەن. ٶڭٸردە جاڭادان 4 پتر سىناماسىن الاتىن لاباروتورييا اشىلعان. وبلىستا كٷنٸنە 3 مىڭعا جۋىق پتر سىناماسى الىنادى.
قاسىم-جومارت توقاەۆ پاۆلودار وبلىسىنىڭ رەسپۋبليكاداعى ماڭىزدى ايماقتاردىڭ بٸرٸ ەكەنٸن, ٶڭٸرگە جان-جاقتى قولداۋ كٶرسەتٸلەتٸن ايتتى. پرەزيدەنت وبلىس ەكٸمٸنە حالىقتى جۇمىسپەن قامتۋ جۇمىستارىن جالعاستىرىپ, ايماقتىڭ ەلەۋمەتتٸك-ەكونوميكالىق دامۋ قارقىنىن تٷسٸرمەۋگە بايلانىستى بٸرقاتار تاپسىرما بەردٸ.
