Qazaqstan Prezidenti Qasym-Jomart Toqaev Saýda jáne integratsiia ministri Baqyt Sultanovty qabyldady, dep habarlaidy Aqorda.
Baqyt Sultanov Memleket basshysyna ishki jáne syrtqy saýdany damytý, eksportqa shyǵarýshylardy qoldaý, integratsiialyq úderister, ishki naryqty kontrafaktilik ónimnen qorǵaý siiaqty ministrlik qyzmetiniń negizgi baǵyttary boiynsha atqarylǵan jumystarynyń qorytyndylary týraly baiandady.
Ministr Prezidentke baǵany belgileý, áleýmettik mańyzy bar azyq-túlik baǵalaryn turaqtandyrý máseleleri vedomstvonyń erekshe nazarynda ekenin jetkizdi. Ortalyq jáne jergilikti atqarýshy organdardyń mindetterin anyqtaityn Jol kartasynyń jobasy ázirlendi.
Jalpy ministrlik jumysyna oń baǵa bergen Qasym-Jomart Toqaev Baqyt Sultanovqa ishki naryqty otandyq taýarlarmen toltyrý, áleýmettik mańyzy bar azyq-túlik baǵalaryn turaqtandyrý, baǵanyń negizsiz ósýi men deldaldyq áreketterdi boldyrmaý jáne qazaqstandyq taýar óndirýshilerdiń ónimi tutynýshylarǵa qoljetimdi bolý úshin naqty tapsyrmalar berdi. Eýraziialyq ekonomikalyq odaq aiasyndaǵy integratsiialyq úderisterde Odaqtaǵy seriktestermen syndarly is-qimyldar júrgizý arqyly memlekettiń ustanymyn nyǵaitý – ministrliktiń aldynda turǵan mańyzdy mindet.
