قازاقستان پرەزيدەنتٸ قاسىم-جومارت توقاەۆ ساۋدا جەنە ينتەگراتسييا مينيسترٸ باقىت سۇلتانوۆتى قابىلدادى, دەپ حابارلايدى اقوردا.
باقىت سۇلتانوۆ مەملەكەت باسشىسىنا ٸشكٸ جەنە سىرتقى ساۋدانى دامىتۋ, ەكسپورتقا شىعارۋشىلاردى قولداۋ, ينتەگراتسييالىق ٷدەرٸستەر, ٸشكٸ نارىقتى كونترافاكتٸلٸك ٶنٸمنەن قورعاۋ سيياقتى مينيسترلٸك قىزمەتٸنٸڭ نەگٸزگٸ باعىتتارى بويىنشا اتقارىلعان جۇمىستارىنىڭ قورىتىندىلارى تۋرالى باياندادى.
مينيستر پرەزيدەنتكە باعانى بەلگٸلەۋ, ەلەۋمەتتٸك ماڭىزى بار ازىق-تٷلٸك باعالارىن تۇراقتاندىرۋ مەسەلەلەرٸ ۆەدومستۆونىڭ ەرەكشە نازارىندا ەكەنٸن جەتكٸزدٸ. ورتالىق جەنە جەرگٸلٸكتٸ اتقارۋشى ورگانداردىڭ مٸندەتتەرٸن انىقتايتىن جول كارتاسىنىڭ جوباسى ەزٸرلەندٸ.
جالپى مينيسترلٸك جۇمىسىنا وڭ باعا بەرگەن قاسىم-جومارت توقاەۆ باقىت سۇلتانوۆقا ٸشكٸ نارىقتى وتاندىق تاۋارلارمەن تولتىرۋ, ەلەۋمەتتٸك ماڭىزى بار ازىق-تٷلٸك باعالارىن تۇراقتاندىرۋ, باعانىڭ نەگٸزسٸز ٶسۋٸ مەن دەلدالدىق ەرەكەتتەردٸ بولدىرماۋ جەنە قازاقستاندىق تاۋار ٶندٸرۋشٸلەردٸڭ ٶنٸمٸ تۇتىنۋشىلارعا قولجەتٸمدٸ بولۋ ٷشٸن ناقتى تاپسىرمالار بەردٸ. ەۋرازييالىق ەكونوميكالىق وداق اياسىنداعى ينتەگراتسييالىق ٷدەرٸستەردە وداقتاعى سەرٸكتەستەرمەن سىندارلى ٸس-قيمىلدار جٷرگٸزۋ ارقىلى مەملەكەتتٸڭ ۇستانىمىن نىعايتۋ – مينيسترلٸكتٸڭ الدىندا تۇرعان ماڭىزدى مٸندەت.
