Aqtóbe oblysyna jumys saparymen kelgen Elbasy Nursultan Nazarbaev Aqtóbe ferroqorytpa zaýytynda, rels-arqalyq zaýyty men jylyjaida boldy, dep habarlaidy "Ult aqparat" QazAqparat agenttigine silteme jasap.
Aqtóbege jumys saparymen kelgen Memleket basshysy Nursultan Nazarbaev aldymen Aqtóbe ferroqorytpa zaýytynda boldy. Zaýyttyń №4 tsehy 2014 jyly iske qosylǵan edi. Aqtóbe aqparat ortalyǵynyń habarlaýynsha, quny 126,4 mlrd. teńge bolatyn joba joǵary kómirtekti ferrohrom óndirýdi arttyrý múmkindik berdi. №4 balqytý tsehy jylyna 440 myń tonna ónim shyǵara alady. Ónimniń negizgi tutynýshylary - QHR, Eýropa, AQSh. Keiin Elbasy rels-arqalyq zaýytynda boldy. Buǵan deiin habarlaǵanymyzdai, Elbasy jumysshylarmen tildesip, Aqtóbeniń múmkindigi zor ekenin jetkizdi. Kásiporyn EEK aýmaǵyndaǵy uzyndyǵy 120 metr bolatyn rels shyǵarady. Jospar boiynsha zaýyt keler jyly tolyq qýattylyǵyna kóship, jylyna 430 myń tonna prokat, sonyń ishinde joǵary jyldamdyqtaǵy magistraldar úshin 200 myń tonna rels, qurylys sektory úshin 230 myń tonna ónim shyǵarady. Kásiporyn osy jyldyń toǵyz aiy ishinde quny 31,2 mlrd. teńge bolatyn 116,4 myń tonna rels ónimin óndirgen. Ónimniń negizgi tutynýshylary - «Qazaqstan temir joly» AQ, Ózbekstan, Túrikmenstan, Ázerbaijan. Elbasy N.Nazarbaevqa shyǵarylatyn ónimniń úlgileri kórsetilip, óndiristiń tehnologiialyq úderisi tanystyryldy.
Aita keteiik, Aqtóbe oblysynda indýstriialandyrý kartasynyń ekinshi bes jyldyǵynyń aiasynda 6 500 jumys ornyn qamtamasyz etetin quny 258 mlrd teńge bolatyn 23 jobany júzege asyrý josparlanyp otyr. Búginde jalpy quny 13 mlrd teńge bolatyn 11 joba paidalanýǵa berilgen.
Aqtóbe oblysynyń 30 iri kompaniiasymen jańǵyrtý jáne mamandardy qaita oqytý is-sharalarynyń josparyna qol qoiyldy. Qazirgi tańda on kásiporyn jańǵyrtylǵan.
Elbasy keiin «Greenhouse Kazakhstan» jylyjai kesheni qarap shyqty. «QazAgroQarjy» AQ qoldaýymen paidalanýǵa berilgen jylyjaidyń quny 5,7 mlrd teńgeni quraidy. Keshenniń aýmaǵy - 9,5 gektar.
.jpeg)