مەملەكەت باسشىسى اقتٶبەدەگٸ ٶندٸرٸس ورىندارىن ارالادى

اقتٶبە وبلىسىنا جۇمىس ساپارىمەن كەلگەن ەلباسى نۇرسۇلتان نازارباەۆ اقتٶبە فەرروقورىتپا زاۋىتىندا, رەلس-ارقالىق زاۋىتى مەن جىلىجايدا بولدى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.  

اقتٶبەگە جۇمىس ساپارىمەن كەلگەن مەملەكەت باسشىسى نۇرسۇلتان نازارباەۆ الدىمەن اقتٶبە فەرروقورىتپا زاۋىتىندا بولدى. زاۋىتتىڭ №4 تسەحى 2014 جىلى ٸسكە قوسىلعان ەدٸ.  اقتٶبە اقپارات ورتالىعىنىڭ حابارلاۋىنشا, قۇنى 126,4 ملرد. تەڭگە بولاتىن جوبا جوعارى كٶمٸرتەكتٸ فەرروحروم ٶندٸرۋدٸ ارتتىرۋ مٷمكٸندٸك بەردٸ. №4 بالقىتۋ تسەحى جىلىنا 440 مىڭ توننا ٶنٸم شىعارا الادى.  ٶنٸمنٸڭ نەگٸزگٸ تۇتىنۋشىلارى - قحر, ەۋروپا, اقش. كەيٸن ەلباسى رەلس-ارقالىق زاۋىتىندا بولدى. بۇعان دەيٸن حابارلاعانىمىزداي, ەلباسى جۇمىسشىلارمەن تٸلدەسٸپ, اقتٶبەنٸڭ مٷمكٸندٸگٸ زور ەكەنٸن جەتكٸزدٸ. كەسٸپورىن ەەك اۋماعىنداعى ۇزىندىعى 120 مەتر بولاتىن رەلس شىعارادى. جوسپار بويىنشا زاۋىت كەلەر جىلى تولىق قۋاتتىلىعىنا كٶشٸپ, جىلىنا 430 مىڭ توننا پروكات, سونىڭ ٸشٸندە جوعارى جىلدامدىقتاعى ماگيسترالدار ٷشٸن 200 مىڭ توننا رەلس, قۇرىلىس سەكتورى ٷشٸن 230 مىڭ توننا ٶنٸم شىعارادى. كەسٸپورىن وسى جىلدىڭ توعىز ايى ٸشٸندە قۇنى 31,2 ملرد. تەڭگە بولاتىن  116,4 مىڭ توننا رەلس ٶنٸمٸن ٶندٸرگەن. ٶنٸمنٸڭ نەگٸزگٸ تۇتىنۋشىلارى - «قازاقستان تەمٸر جولى» اق, ٶزبەكستان, تٷرٸكمەنستان, ەزەربايجان. ەلباسى ن.نازارباەۆقا شىعارىلاتىن ٶنٸمنٸڭ ٷلگٸلەرٸ كٶرسەتٸلٸپ, ٶندٸرٸستٸڭ تەحنولوگييالىق ٷدەرٸسٸ تانىستىرىلدى.

ايتا كەتەيٸك, اقتٶبە وبلىسىندا يندۋسترييالاندىرۋ كارتاسىنىڭ ەكٸنشٸ بەس جىلدىعىنىڭ اياسىندا 6 500 جۇمىس ورنىن قامتاماسىز ەتەتٸن قۇنى 258 ملرد تەڭگە بولاتىن 23 جوبانى جٷزەگە اسىرۋ جوسپارلانىپ وتىر. بٷگٸندە جالپى قۇنى 13 ملرد تەڭگە بولاتىن 11 جوبا پايدالانۋعا بەرٸلگەن.

اقتٶبە  وبلىسىنىڭ 30 ٸرٸ كومپانيياسىمەن جاڭعىرتۋ جەنە مامانداردى قايتا وقىتۋ ٸس-شارالارىنىڭ جوسپارىنا قول قويىلدى. قازٸرگٸ تاڭدا ون كەسٸپورىن جاڭعىرتىلعان.

ەلباسى كەيٸن «Greenhouse Kazakhstan» جىلىجاي كەشەنٸ قاراپ شىقتى. «قازاگروقارجى» اق قولداۋىمەن پايدالانۋعا بەرٸلگەن جىلىجايدىڭ قۇنى 5,7 ملرد تەڭگەنٸ قۇرايدى. كەشەننٸڭ اۋماعى - 9,5 گەكتار.