Mańǵystaý oblysynda ózine salynǵan aiyppuldy tóleý úshin muǵalimderden aqsha jinaǵan mektep direktory jazalandy, dep habarlaidy Ulysmedia.kz.
Bul týraly oblystyq bilim salasyndaǵy sapany qamtamasyz etý departamentiniń basshysy Esbolat Ómirzaq málimdedi.
«11 aryz-shaǵym tústi. 6 jospardan tys tekserý júrgizdik. Anyqtalǵanyndai, bir mekteptiń direktory ózine bólingen sabaǵyn ótkizbegen, sol arqyly jalpyǵa bilim berý standartynyń talaptaryn buzǵan. Sol mektepte «Pedagog mártebesi týraly» zań talaptary da buzylǵan. Direktor muǵalimderge mektepke qajetti qural alýǵa tapsyrma bergen. Sondai-aq, mektep ákimshiligi muǵalimniń 3 saǵat júktemesin zańsyz alyp, oqý baǵdarlamasy oryndalmaǵan. Sonymen qatar, taǵy bir mektep basshysy ózine salynǵan aiyppuldy tóleý úshin muǵalimderden aqsha jinaǵan. Soǵan sáikes ákimshilik sharalar qabyldandy», - dedi ol.
Jospardan tys tekserý barysynda bir kolledj basshysynyń atqaratyn qyzmetine beiini sáikes kelmeitin mamandardy jumysqa qabyldaǵany rastaldy.
