ماڭعىستاۋ وبلىسىندا ٶزٸنە سالىنعان ايىپپۇلدى تٶلەۋ ٷشٸن مۇعالٸمدەردەن اقشا جيناعان مەكتەپ ديرەكتورى جازالاندى, دەپ حابارلايدى Ulysmedia.kz.
بۇل تۋرالى وبلىستىق بٸلٸم سالاسىنداعى ساپانى قامتاماسىز ەتۋ دەپارتامەنتٸنٸڭ باسشىسى ەسبولات ٶمٸرزاق مەلٸمدەدٸ.
«11 ارىز-شاعىم تٷستٸ. 6 جوسپاردان تىس تەكسەرۋ جٷرگٸزدٸك. انىقتالعانىنداي, بٸر مەكتەپتٸڭ ديرەكتورى ٶزٸنە بٶلٸنگەن ساباعىن ٶتكٸزبەگەن, سول ارقىلى جالپىعا بٸلٸم بەرۋ ستاندارتىنىڭ تالاپتارىن بۇزعان. سول مەكتەپتە «پەداگوگ مەرتەبەسٸ تۋرالى» زاڭ تالاپتارى دا بۇزىلعان. ديرەكتور مۇعالٸمدەرگە مەكتەپكە قاجەتتٸ قۇرال الۋعا تاپسىرما بەرگەن. سونداي-اق, مەكتەپ ەكٸمشٸلٸگٸ مۇعالٸمنٸڭ 3 ساعات جٷكتەمەسٸن زاڭسىز الىپ, وقۋ باعدارلاماسى ورىندالماعان. سونىمەن قاتار, تاعى بٸر مەكتەپ باسشىسى ٶزٸنە سالىنعان ايىپپۇلدى تٶلەۋ ٷشٸن مۇعالٸمدەردەن اقشا جيناعان. سوعان سەيكەس ەكٸمشٸلٸك شارالار قابىلداندى», - دەدٸ ول.
جوسپاردان تىس تەكسەرۋ بارىسىندا بٸر كوللەدج باسشىسىنىڭ اتقاراتىن قىزمەتٸنە بەيٸنٸ سەيكەس كەلمەيتٸن مامانداردى جۇمىسقا قابىلداعانى راستالدى.
