Meksikadaǵy jer silkinisinen zardap shekken qazaqstandyqtar týraly eshqandai aqparat kelip túspegen, dep habarlaidy "Ult aqparat" QR SIM baspasóz qyzmetine silteme jasap.
«Meksikadaǵy Qazaqstannyń elshiligi atalǵan eldiń astanasy men sol aýmaqqa jatatyn óńirlerde 7 baldyq jer silkinisi tirkelgenin habarlaidy. Osynyń saldarynan ǵimarattar qirap, júzden asa adam kóz jumǵan. Qaza tapqandardyń sany budan da kóp bolýy múmkin. Zardap shekkenderdiń arasynda qazaqstandyqtardyń bary týraly aqparat kelip túsken joq», - delingen habarlamada.
QR SIM habarlaýynsha, elshiliktegi konsýldyq esepte turǵan adamdarmen bailanys ornatylǵan. Olarǵa sabyr saqtap, óz jaǵdailary týraly jaqyndaryna habar berýge, jergilikti biliktiń nusqaýyna qulaq asýǵa keńes berilgen.
Eske sala ketsek, seisenbi kúni Meksikada magnitýdasy 7,1 baldyq jer silkinisi tirkeldi. Zilzala saldarynan 200-den asa adamnyń mert bolǵany anyqtalyp otyr. Meksikanyń Ulttyq seismikalyq qyzmetiniń aqparatyna sai, jer asty dúmpýiniń epitsentri Ahochiapan (Morelos shtaty) turǵylyqty mekeninen ońtústik-shyǵysqa qarai 12 shaqyrym qashyqtyqta tirkelgen. Ahochiapan qalasy Meksikada astanasynan 111 shaqyrym jerde jatyr. Zilzala oshaǵy 57 shaqyrym tereńdikte bolǵan.
