مەكسيكاداعى جەر سٸلكٸنٸسٸنەن زارداپ شەككەن قازاقستاندىقتار تۋرالى ەشقانداي اقپارات كەلٸپ تٷسپەگەن, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
«مەكسيكاداعى قازاقستاننىڭ ەلشٸلٸگٸ اتالعان ەلدٸڭ استاناسى مەن سول اۋماققا جاتاتىن ٶڭٸرلەردە 7 بالدىق جەر سٸلكٸنٸسٸ تٸركەلگەنٸن حابارلايدى. وسىنىڭ سالدارىنان عيماراتتار قيراپ, جٷزدەن اسا ادام كٶز جۇمعان. قازا تاپقانداردىڭ سانى بۇدان دا كٶپ بولۋى مٷمكٸن. زارداپ شەككەندەردٸڭ اراسىندا قازاقستاندىقتاردىڭ بارى تۋرالى اقپارات كەلٸپ تٷسكەن جوق», - دەلٸنگەن حابارلامادا.
قر سٸم حابارلاۋىنشا, ەلشٸلٸكتەگٸ كونسۋلدىق ەسەپتە تۇرعان ادامدارمەن بايلانىس ورناتىلعان. ولارعا سابىر ساقتاپ, ٶز جاعدايلارى تۋرالى جاقىندارىنا حابار بەرۋگە, جەرگٸلٸكتٸ بيلٸكتٸڭ نۇسقاۋىنا قۇلاق اسۋعا كەڭەس بەرٸلگەن.
ەسكە سالا كەتسەك, سەيسەنبٸ كٷنٸ مەكسيكادا ماگنيتۋداسى 7,1 بالدىق جەر سٸلكٸنٸسٸ تٸركەلدٸ. زٸلزالا سالدارىنان 200-دەن اسا ادامنىڭ مەرت بولعانى انىقتالىپ وتىر. مەكسيكانىڭ ۇلتتىق سەيسميكالىق قىزمەتٸنٸڭ اقپاراتىنا ساي, جەر استى دٷمپۋٸنٸڭ ەپيتسەنترٸ احوچياپان (مورەلوس شتاتى) تۇرعىلىقتى مەكەنٸنەن وڭتٷستٸك-شىعىسقا قاراي 12 شاقىرىم قاشىقتىقتا تٸركەلگەن. احوچياپان قالاسى مەكسيكادا استاناسىنان 111 شاقىرىم جەردە جاتىر. زٸلزالا وشاعى 57 شاقىرىم تەرەڭدٸكتە بولعان.
