Májilismender Ridderde zardap shekkenderge kómek kórsetý úshin bir kúndik jalaqysyn aýdardy, dep habarlaidy "Ult aqparat".
Palata Spikeri Nurlan Nyǵmatýlinniń tóraǵalyǵymen Májilis Biýrosy Ridderdegi turǵyndarǵa kómek kórsetý úshin Májilis depýtattarynyń bir kúndik jalaqysyn aýdarý týraly qaýly qabyldady.
Qarajat Shyǵys Qazaqstan oblysynyń Ridder qalasyna orman órti saldarynan zardap shekken turǵyndardyń úilerin qalpyna keltirýge baǵyttalady.
Esterińizge sala ketsek, 10 mamyr kúni ShQO-daǵy Ridder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. Órtke bailanysty shuǵyl jeli iske qosyldy.
Memleket basshysy Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
QR Ishki ister ministrligi Shyǵys Qazaqstan oblysy Ridder qalasyndaǵy órt faktisi boiynsha sotqa deiingi tergeýdi bastady.
Búgin Shyǵys Qazaqstan oblysynyń politsiia qyzmetkerleri alapat órtke qatysty kúdiktini ustady
