مەجٸلٸسمەندەر ريددەردە زارداپ شەككەندەرگە كٶمەك كٶرسەتۋ ٷشٸن بٸر كٷندٸك جالاقىسىن اۋداردى, دەپ حابارلايدى "ۇلت اقپارات".
پالاتا سپيكەرٸ نۇرلان نىعماتۋليننٸڭ تٶراعالىعىمەن مەجٸلٸس بيۋروسى ريددەردەگٸ تۇرعىندارعا كٶمەك كٶرسەتۋ ٷشٸن مەجٸلٸس دەپۋتاتتارىنىڭ بٸر كٷندٸك جالاقىسىن اۋدارۋ تۋرالى قاۋلى قابىلدادى.
قاراجات شىعىس قازاقستان وبلىسىنىڭ ريددەر قالاسىنا ورمان ٶرتٸ سالدارىنان زارداپ شەككەن تۇرعىنداردىڭ ٷيلەرٸن قالپىنا كەلتٸرۋگە باعىتتالادى.
ەستەرٸڭٸزگە سالا كەتسەك, 10 مامىر كٷنٸ شقو-داعى ريددەر ورمان شارۋاشىلىعىندا ٶرت شىقتى. دالا ٶرتٸ 310 گەكتار اۋماقتى شارپىپ, 1 ادام قازا تاپتى. ٶرتكە بايلانىستى شۇعىل جەلٸ ٸسكە قوسىلدى.
مەملەكەت باسشىسى ٷكٸمەت پەن شىعىس قازاقستان وبلىسىنىڭ ەكٸمدٸگٸ ٶرتتەن زارداپ شەككەن لەسحوز كەنتٸنٸڭ تۇرعىندارىنا كٶمەك كٶرسەتٸپ, باسپانامەن قامتاماسىز ەتۋدٸ تاپسىردى.
قر ٸشكٸ ٸستەر مينيسترلٸگٸ شىعىس قازاقستان وبلىسى ريددەر قالاسىنداعى ٶرت فاكتٸسٸ بويىنشا سوتقا دەيٸنگٸ تەرگەۋدٸ باستادى.
بٷگٸن شىعىس قازاقستان وبلىسىنىڭ پوليتسييا قىزمەتكەرلەرٸ الاپات ٶرتكە قاتىستى كٷدٸكتٸنٸ ۇستادى
