- Búgin QR Parlamenti Májilisiniń jalpy otyrysynda palata depýtattary «2017-2019 jyldarǵa arnalǵan respýblikalyq biýdjet týraly» zań jobasyna Senattyń túzetýlerin maquldady, dep habarlaidy "Ult Aqparat".
«Aǵymdaǵy jylǵy 17 qarashada «2017-2019 jyldarǵa arnalǵan respýblikalyq biýdjet týraly» zań jobasy QR Parlamenti Senatynyń jalpy otyrysynda qaraldy. Senat 27 túzetý engizdi. 13 túzetý Úkimet rezerviniń qarajatyn qysqartý esebinen 2017 jylǵa arnalǵan respýblikalyq biýdjettiń shyǵys bóligin jalpy somasy 26 mlrd. teńgege qaita bólýdi kózdep otyr», - dedi zań jobasy boiynsha baiandama jasaǵan depýtat Omarhan Óksikbaev.
Onyń sózine qaraǵanda, osy qarjy sýmen jáne gazben jabdyqtaý nysandaryn salý, jergilikti mańyzy bar avtokólik joldaryn kúrdeli jóndeý, turǵyn úi qurylysyna arnalǵan infraqurylymdy tartý, sondai-aq basqa da baǵyttarǵa negizdelgen.
«Senat engizgen ózgertýler 2017-2019 jyldarǵa arnalǵan respýblikalyq biýdjettiń negizgi ólshemderin ózgertpeidi», - dedi depýtat.
Budan buryn habarlanǵandai, ótken aptada Senattyń jalpy otyrysynda palata depýtattary «2017-2019 jyldarǵa arnalǵan respýblikalyq biýdjet týraly» zań jobasyn talqylady. Osy oraida qujatqa birqatar túzetýler jasalǵandyqtan, zań jobalary Májiliske qaitaryldy.
.jpeg)