مەجٸلٸس رەسپۋبليكالىق بيۋدجەت بويىنشا تٷزەتۋلەردٸ ماقۇلدادى

- بٷگٸن قر پارلامەنتٸ مەجٸلٸسٸنٸڭ جالپى وتىرىسىندا پالاتا دەپۋتاتتارى «2017-2019 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنا سەناتتىڭ تٷزەتۋلەرٸن ماقۇلدادى, دەپ حابارلايدى "ۇلت اقپارات".

«اعىمداعى جىلعى 17 قاراشادا «2017-2019 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى قر پارلامەنتٸ سەناتىنىڭ جالپى وتىرىسىندا قارالدى. سەنات 27 تٷزەتۋ ەنگٸزدٸ. 13 تٷزەتۋ ٷكٸمەت رەزەرۆٸنٸڭ قاراجاتىن قىسقارتۋ ەسەبٸنەن 2017 جىلعا ارنالعان رەسپۋبليكالىق بيۋدجەتتٸڭ شىعىس بٶلٸگٸن جالپى سوماسى 26 ملرد. تەڭگەگە قايتا بٶلۋدٸ كٶزدەپ وتىر», - دەدٸ زاڭ جوباسى بويىنشا بايانداما جاساعان دەپۋتات ومارحان ٶكسٸكباەۆ.

ونىڭ سٶزٸنە قاراعاندا, وسى قارجى سۋمەن جەنە گازبەن جابدىقتاۋ نىساندارىن سالۋ, جەرگٸلٸكتٸ ماڭىزى بار اۆتوكٶلٸك جولدارىن كٷردەلٸ جٶندەۋ, تۇرعىن ٷي قۇرىلىسىنا ارنالعان ينفراقۇرىلىمدى تارتۋ, سونداي-اق باسقا دا باعىتتارعا نەگٸزدەلگەن.

«سەنات ەنگٸزگەن ٶزگەرتۋلەر 2017-2019 جىلدارعا ارنالعان رەسپۋبليكالىق بيۋدجەتتٸڭ نەگٸزگٸ ٶلشەمدەرٸن ٶزگەرتپەيدٸ», - دەدٸ دەپۋتات.

بۇدان بۇرىن حابارلانعانداي, ٶتكەن اپتادا سەناتتىڭ جالپى وتىرىسىندا پالاتا دەپۋتاتتارى «2017-2019 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تالقىلادى. وسى ورايدا قۇجاتقا بٸرقاتار تٷزەتۋلەر جاسالعاندىقتان, زاڭ جوبالارى مەجٸلٸسكە قايتارىلدى.