Parlament Májilisiniń jalpy otyrysynda «Qazaqstan Respýblikasynyń Úkimeti týraly» QR Konstitýtsiialyq zańyna ózgerister engizý týraly» zań jobasy ekinshi oqylymda maquldandy, dep habarlaidy "Ult aqparat".
Zań jobasy 2020 jylǵy 18 qarashada birinshi oqylymda maquldandy.
Qujat Memleket basshysynyń 2020 jylǵy 1 qyrkúiekte jariialanǵan «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýyn iske asyrý úshin ázirlendi. Prezident memlekettik qyzmet júiesin «qaita qurý» qajettigin atap ótti. Sonymen qatar, Joldaýǵa sáikes jaýapty hatshylar institýtyn joiý jóninde naqty tapsyrma berildi.
«Zań jobasy jaýapty hatshy laýazymy qysqartylady, al onyń ókilettigi ministrliktiń birinshi basshysy men apparat basshysyna júkteledi. Qujatty qaraý barysynda onyń jekelegen normalary zańnamaǵa sáikes keltirildi», - dedi Májilis depýtaty Snejanna Imasheva.
Eske sala keteiik, Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýynda ministrlikterdegi jaýapty hatshylar qysqartylatynyn aitqan edi.
