پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ ٷكٸمەتٸ تۋرالى» قر كونستيتۋتسييالىق زاڭىنا ٶزگەرٸستەر ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى "ۇلت اقپارات".
زاڭ جوباسى 2020 جىلعى 18 قاراشادا بٸرٸنشٸ وقىلىمدا ماقۇلداندى.
قۇجات مەملەكەت باسشىسىنىڭ 2020 جىلعى 1 قىركٷيەكتە جارييالانعان «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا جولداۋىن ٸسكە اسىرۋ ٷشٸن ەزٸرلەندٸ. پرەزيدەنت مەملەكەتتٸك قىزمەت جٷيەسٸن «قايتا قۇرۋ» قاجەتتٸگٸن اتاپ ٶتتٸ. سونىمەن قاتار, جولداۋعا سەيكەس جاۋاپتى حاتشىلار ينستيتۋتىن جويۋ جٶنٸندە ناقتى تاپسىرما بەرٸلدٸ.
«زاڭ جوباسى جاۋاپتى حاتشى لاۋازىمى قىسقارتىلادى, ال ونىڭ ٶكٸلەتتٸگٸ مينيسترلٸكتٸڭ بٸرٸنشٸ باسشىسى مەن اپپارات باسشىسىنا جٷكتەلەدٸ. قۇجاتتى قاراۋ بارىسىندا ونىڭ جەكەلەگەن نورمالارى زاڭناماعا سەيكەس كەلتٸرٸلدٸ», - دەدٸ مەجٸلٸس دەپۋتاتى سنەجاننا يماشەۆا.
ەسكە سالا كەتەيٸك, مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا قازاقستان حالقىنا جىل سايىنعى دەستٷرلٸ جولداۋىندا مينيسترلٸكتەردەگٸ جاۋاپتى حاتشىلار قىسقارتىلاتىنىن ايتقان ەدٸ.
