Foto: primeminister.kz
Memleket basshysy Qasym-Jomart Toqaev pen Majarstan Premer-Ministri Viktor Orbannyń Aqordadaǵy kezdesýi aldynda Úkimet basshysynyń orynbasary Serik Jumanǵarin BAQ ókilderine eki el arasyndaǵy alys-beristiń aýqymy týraly málimet berdi, dep habarlaidy Kazinform agenttigi.
«Byltyr Majarstanmen aradaǵy taýar ainalymynyń kólemi 100 mln AQSh dollary boldy. Biylǵy toǵyz aida 24 paiyzǵa ósti, taǵy da ósýi múmkin. Onyń kóbi - Majarstannan keletin import. Dári-dármek, kókónis, kóbi taǵam. Sapasy óte joǵary. Biz ne aparamyz desek, biyl balyq jetkizýdi bastadyq. Biyl kólemi eki ese kóbeidi. Buryn 67 tonna bolsa, qazir 120 tonna jiberdik. Jalpy Eýropaǵa balyq eksportyn biyl ashtyq deýge bolady. Sony búgin talqylaimyz», - dedi Serik Jumanǵarin.
Onyń aitýynsha, eki aradaǵy saýda-sattyqtyń aiasyn keńeitýge múmkindik beretin taýarlardyń tizimi aiqyndalǵan.
«Ókinishke qarai eki el arasyndaǵy saýda ainalymy biz qalaǵandai aýqymdy emes. Biraq óte jyldam ósip keledi. Jyl saiyn 25 paiyz artyp jatyr. Eksport sonsha úlken emes. Birinshi kezekte mal sharýashylyǵynyń óniminiń eksportyn arttyrýymyz kerek», - dedi vitse-premer.
Eske salsaq, keshe keshke Viktor Orbandy Astana áýejaiynda Premer-Ministrdiń orynbasary Serik Jumanǵarin kútip alǵan bolatyn
