فوتو: primeminister.kz
مەملەكەت باسشىسى قاسىم-جومارت توقاەۆ پەن ماجارستان پرەمەر-مينيسترٸ ۆيكتور ورباننىڭ اقورداداعى كەزدەسۋٸ الدىندا ٷكٸمەت باسشىسىنىڭ ورىنباسارى سەرٸك جۇمانعارين باق ٶكٸلدەرٸنە ەكٸ ەل اراسىنداعى الىس-بەرٸستٸڭ اۋقىمى تۋرالى مەلٸمەت بەردٸ, دەپ حابارلايدى Kazinform اگەنتتٸگٸ.
«بىلتىر ماجارستانمەن اراداعى تاۋار اينالىمىنىڭ كٶلەمٸ 100 ملن اقش دوللارى بولدى. بيىلعى توعىز ايدا 24 پايىزعا ٶستٸ, تاعى دا ٶسۋٸ مٷمكٸن. ونىڭ كٶبٸ - ماجارستاننان كەلەتٸن يمپورت. دەرٸ-دەرمەك, كٶكٶنٸس, كٶبٸ تاعام. ساپاسى ٶتە جوعارى. بٸز نە اپارامىز دەسەك, بيىل بالىق جەتكٸزۋدٸ باستادىق. بيىل كٶلەمٸ ەكٸ ەسە كٶبەيدٸ. بۇرىن 67 توننا بولسا, قازٸر 120 توننا جٸبەردٸك. جالپى ەۋروپاعا بالىق ەكسپورتىن بيىل اشتىق دەۋگە بولادى. سونى بٷگٸن تالقىلايمىز», - دەدٸ سەرٸك جۇمانعارين.
ونىڭ ايتۋىنشا, ەكٸ اراداعى ساۋدا-ساتتىقتىڭ اياسىن كەڭەيتۋگە مٷمكٸندٸك بەرەتٸن تاۋارلاردىڭ تٸزٸمٸ ايقىندالعان.
«ٶكٸنٸشكە قاراي ەكٸ ەل اراسىنداعى ساۋدا اينالىمى بٸز قالاعانداي اۋقىمدى ەمەس. بٸراق ٶتە جىلدام ٶسٸپ كەلەدٸ. جىل سايىن 25 پايىز ارتىپ جاتىر. ەكسپورت سونشا ٷلكەن ەمەس. بٸرٸنشٸ كەزەكتە مال شارۋاشىلىعىنىڭ ٶنٸمٸنٸڭ ەكسپورتىن ارتتىرۋىمىز كەرەك», - دەدٸ ۆيتسە-پرەمەر.
ەسكە سالساق, كەشە كەشكە ۆيكتور ورباندى استانا ەۋەجايىندا پرەمەر-مينيستردٸڭ ورىنباسارى سەرٸك جۇمانعارين كٷتٸپ العان بولاتىن
