Mazasyzdyqtan qalai arylamyz?

Foto: Pinterest

Ult.kz-te jihankez jýrnalist Dinara Bolattyń ózge paiymy.

Sońǵy jyldary elimizdiń eresek býynynda da, jastarda da mazasyzdyq qatty baiqalady. Jastarda bolashaǵyn oilap mazasyzdaný bolsa, eresekterde urpaǵyn oilap úreilený bar. Oǵan sebep – eldegi qymbatshylyq, infliatsiia, álemdegi turaqsyzdyq. Oǵan qosa áleýmettik jelidegi túrli jańalyqtar.

Jalpy mazasyzdyq deńgeiin tómendetetin negizgi úsh ádis bar.

Qudaimen bailanys

Iman, duǵa, meditatsiia nemese rýhani tájiribeler adamnyń janyn tynyshtandyrady. Kóp jaǵdaida adam mazasyzdyǵyn jeńý úshin bir qudiretke súiengisi keledi. Qudaiǵa sený, iaǵni onyń meiirimin sezý, sheshimine arqa súieý artyq mazasyzdanýdyń aldyn alady.

Tabiǵatpen bailanys

Taý, sý, orman, aspan bári adam júikesine tepe-teńdik syilaidy. Tabiǵatta serýendeý, taza aýada tynys alý, aǵashtar, jasyl óskinder arasynda bolý júikeniń qalpyna kelýine tikelei áser etedi. Qalanyń ý-shýy, kúndelikti qarbalaspen údere túsken úreidi basady, ishki jailylyqqa ákeledi.

Adammen bailanys

Jaqyn adamdardyń qoldaýy ózińdi qaýipsiz sezinýge jol ashady. Áńgimelesý, qushaqtasý, mazasyzdyǵyńmen bólisý adamnyń ishindegi aýyr kúidi seiiltedi. Bizdi tyńdaityn, túsinetin adamnyń janynda bolý bizge qaýipsizdik sezimin syilaidy, qaýip qater jaǵdaiynda jalǵyz qalmaitynymyzdy sezindirip mazasyzdyqty emdeidi.

Paiym

Kóp jaǵdaida saiasi, ekonomikalyq sheshimder bizden táýelsiz qabyldanady. Jahandyq máselelerdi baqylaý, oǵan tikelei áser etý de múmkin emes. Tutas álem, bir tutas elge yqpal etýden buryn janymyzdaǵy kórshi, birge ósken baýyrdy da ózgertý ekitalai. Sondyqtan bizdiń qolymyzdan keletini elimizde bolyp jatqan jaǵdailarǵa qur mazasyzdanbai, qajet jerde azamattyq pozitsiiamyzdy bildirý. Aqparattyq gigienany ustanyp, bar fokýsty ózimizge qoiý.

Birizdilikpen ósip otyrý, densaýlyǵymyzdy kútý, bilim alý, bolashaǵymyzǵa qarajat jinaý, saiahattaý, jaqyn adamdarymyzben jii kezdesý barlyǵy úlken jumys. Biraq turaqty túrde iske assa, sońynda úlken nátije beredi. Bul mazasyzdyqtan aryltatyn, izgi qoǵamnyń taǵy bir baqytty múshesi bolar adam syilaý.