Marqum Azamattyń aǵasy baýyry kózi tirisinde qolynan tastamaǵan saǵatyn onyń jaqyn dosy Aqjol Temirhanǵa syilady. Bul týraly Aqjoldyń anasy Samal Keýelova áleýmettik jelidegi paraqshasynda bólisti, dep habarlaidy ult.kz.
Samal Keýelovanyń aitýynsha, bul saǵat Aqjol úshin jai ǵana buiym emes, jan dosynan qalǵan baǵa jetpes estelikke ainaldy. Endi ol saǵatqa qaraǵan saiyn Azamatpen birge ótkizgen balalyq shaǵyn, dostyqqa toly kúnderin eske alatyn bolady.
“Azamattyń ózi qasynda bolmasa da, onyń saǵaty endi Aqjoldyń qolynda. Baýyrynan qalǵan qymbat dúnieni Aqjolǵa tabystaǵany úshin Azamattyń aǵasyna myń alǵys. Keibir syilyqtyń baǵasy bolmaidy. Óitkeni onyń quny aqshada emes, júrekte”, – dep jazdy Samal Keýelova.
Osylaisha, Azamattyń kózindei bolǵan saǵat endi Aqjoldyń qolynda saqtalmaq. Bul syilyq qos dostyń arasyndaǵy úzilmes bailanystyń belgisindei boldy.
Aita keteiik, Kaspiide aman qalǵan sarbazdyń anasy ulynyń dostyǵy týraly áserli jazba jariialady.
Bul azamattar kim?
Aqjol Temirhan men Mádihan Azamat Bolatbekuly – 2026 jylǵy 24 qyrkúiekte Kaspii teńizinde ótken áskeri oqý-jattyǵý kezinde qaiǵyly oqiǵaǵa tap bolǵan eki dos, qarýlas sarbaz.
Aqjol Temirhan – 2007 jyly týǵan, Mańǵystaý oblysy Jańaózen qalasynyń 19 jastaǵy turǵyny. Ol Qazaqstan Áskeri-teńiz kúshterinde merzimdi áskeri qyzmet atqarǵan. Kaspiidegi qaiǵyly oqiǵadan aman qalǵan úsh sarbazdyń biri. Aýrýhanada em qabyldap, keiin áskeri qyzmetin aiaqtap, otbasyna oralǵan.
Mádihan Azamat Bolatbekuly – Aqjoldyń jaqyn dosy ári qarýlasy. Ol 24 qyrkúiekte Kaspii teńizindegi áskeri oqý-jattyǵý kezinde qaza tapqan 14 sarbazdyń biri.
Aqjol jaǵaǵa júzip shyqqannan keiin de dosy Azamatty jarty saǵattai izdegen. Keiin aýrýhanaǵa jetkizilgende Azamattyń áskeri beretin qolynan tastamaǵan.
Eske salaiyq, 2026 jylǵy 24 qyrkúiekte Kaspii teńizinde ótken áskeri oqý-jattyǵý kezinde 14 sarbaz qaza tapqan edi. Qaiǵyly oqiǵadan aman qalǵandardyń biri – Aqjol Temirhan. Ol jaǵaǵa shyqqannan keiin de jaqyn dosy Mádihan Azamat Bolatbekulyn izdegen. Aýrýhanada jatqanda da marqum dosynyń beretin qolynan tastamaǵany kópshiliktiń júregin eljiretken bolatyn.
