مارقۇم ازاماتتىڭ اعاسى باۋىرى كٶزٸ تٸرٸسٸندە قولىنان تاستاماعان ساعاتىن ونىڭ جاقىن دوسى اقجول تەمٸرحانعا سىيلادى. بۇل تۋرالى اقجولدىڭ اناسى سامال كەۋەلوۆا ەلەۋمەتتٸك جەلٸدەگٸ پاراقشاسىندا بٶلٸستٸ, دەپ حابارلايدى ult.kz.

سامال كەۋەلوۆانىڭ ايتۋىنشا, بۇل ساعات اقجول ٷشٸن جاي عانا بۇيىم ەمەس, جان دوسىنان قالعان باعا جەتپەس ەستەلٸككە اينالدى. ەندٸ ول ساعاتقا قاراعان سايىن ازاماتپەن بٸرگە ٶتكٸزگەن بالالىق شاعىن, دوستىققا تولى كٷندەرٸن ەسكە الاتىن بولادى.

“ازاماتتىڭ ٶزٸ قاسىندا بولماسا دا, ونىڭ ساعاتى ەندٸ اقجولدىڭ قولىندا. باۋىرىنان قالعان قىمبات دٷنيەنٸ اقجولعا تابىستاعانى ٷشٸن ازاماتتىڭ اعاسىنا مىڭ العىس. كەيبٸر سىيلىقتىڭ باعاسى بولمايدى. ٶيتكەنٸ ونىڭ قۇنى اقشادا ەمەس, جٷرەكتە”, – دەپ جازدى سامال كەۋەلوۆا.

وسىلايشا, ازاماتتىڭ كٶزٸندەي بولعان ساعات ەندٸ اقجولدىڭ قولىندا ساقتالماق. بۇل سىيلىق قوس دوستىڭ اراسىنداعى ٷزٸلمەس بايلانىستىڭ بەلگٸسٸندەي بولدى.

ايتا كەتەيٸك, كاسپييدە امان قالعان ساربازدىڭ اناسى ۇلىنىڭ دوستىعى تۋرالى ەسەرلٸ جازبا جارييالادى. 

بۇل ازاماتتار كٸم? 

اقجول تەمٸرحان مەن مەدٸحان ازامات بولاتبەكۇلى – 2026 جىلعى 24 قىركٷيەكتە كاسپيي تەڭٸزٸندە ٶتكەن ەسكەري وقۋ-جاتتىعۋ كەزٸندە قايعىلى وقيعاعا تاپ بولعان ەكٸ دوس, قارۋلاس سارباز.

اقجول تەمٸرحان – 2007 جىلى تۋعان, ماڭعىستاۋ وبلىسى جاڭاٶزەن قالاسىنىڭ 19 جاستاعى تۇرعىنى. ول قازاقستان ەسكەري-تەڭٸز كٷشتەرٸندە مەرزٸمدٸ ەسكەري قىزمەت اتقارعان. كاسپييدەگٸ قايعىلى وقيعادان امان قالعان ٷش ساربازدىڭ بٸرٸ. اۋرۋحانادا ەم قابىلداپ, كەيٸن ەسكەري قىزمەتٸن اياقتاپ, وتباسىنا ورالعان.

مەدٸحان ازامات بولاتبەكۇلى – اقجولدىڭ جاقىن دوسى ەرٸ قارۋلاسى. ول 24 قىركٷيەكتە كاسپيي تەڭٸزٸندەگٸ ەسكەري وقۋ-جاتتىعۋ كەزٸندە قازا تاپقان 14 ساربازدىڭ بٸرٸ.

اقجول جاعاعا جٷزٸپ شىققاننان كەيٸن دە دوسى ازاماتتى جارتى ساعاتتاي ٸزدەگەن. كەيٸن اۋرۋحاناعا جەتكٸزٸلگەندە ازاماتتىڭ ەسكەري بەرەتٸن قولىنان تاستاماعان.

ەسكە سالايىق, 2026 جىلعى 24 قىركٷيەكتە كاسپيي تەڭٸزٸندە ٶتكەن ەسكەري وقۋ-جاتتىعۋ كەزٸندە 14 سارباز قازا تاپقان ەدٸ. قايعىلى وقيعادان امان قالعانداردىڭ بٸرٸ – اقجول تەمٸرحان. ول جاعاعا شىققاننان كەيٸن دە جاقىن دوسى مەدٸحان ازامات بولاتبەكۇلىن ٸزدەگەن. اۋرۋحانادا جاتقاندا دا مارقۇم دوسىنىڭ بەرەتٸن قولىنان تاستاماعانى كٶپشٸلٸكتٸڭ جٷرەگٸن ەلجٸرەتكەن بولاتىن.