Jumysy toqtap qalǵan "Maiqaiyńaltyn" AQ qaitadan jandandy. Kásiporyn shikizatty kórshi aýyldaǵy ken ornynan alatyn boldy, - dep habarlaidy "Ult Aqparat" Massaget.kz-ke silteme jasap.
Maiqaiyńdaǵy ken baiytý kombinaty 19-aqpan kúni jumysyn toqtatqanyn resmi habarlaǵan. Sebep retinde rýda qorynyń taýsylǵanyn alǵa tartty. Osy ýaqytqa deiin shahtada qyzmet etetin myńnan asa jumysshy májbúrli demalysqa jiberilip, olarǵa sáýir aiyna deiin 50% jalaqy tóleý qarastyrylǵan edi.
"Kesheden beri kombinat jumysyn qaita jalǵastyryp jatyr. Rýdany osy aýmaqtaǵy "Sývinernyi" kenishinen alatyn boldyq Alǵashqy tórt jarym myń tonna ken jetkizildi. Dúisenbi kúni atalǵan kenishten birneshe ai boiy shikizat alyp otyrý úshin kelisim shart jasalady", - deidi "Maiqaiyńaltyn" AQ bas direktory Qýanysh Botin.
Ázirge jumysqa 750 adam qaita oraldy. Óitkeni, apatqa bailanysty eki aidan beri shahta jumysy toqtap tur. Orǵa qulaǵan avtobýs ishindegi eki adam áli tabylǵan joq. Apat bolǵan jer astynda daiyndap qoiǵan 1 millionna tonnadan artyq rýda qory bar.
