جۇمىسى توقتاپ قالعان "مايقايىڭالتىن" اق قايتادان جانداندى. كەسٸپورىن شيكٸزاتتى كٶرشٸ اۋىلداعى كەن ورنىنان الاتىن بولدى, - دەپ حابارلايدى "ۇلت اقپارات" Massaget.kz-كە سٸلتەمە جاساپ.
مايقايىڭداعى كەن بايىتۋ كومبيناتى 19-اقپان كٷنٸ جۇمىسىن توقتاتقانىن رەسمي حابارلاعان. سەبەپ رەتٸندە رۋدا قورىنىڭ تاۋسىلعانىن العا تارتتى. وسى ۋاقىتقا دەيٸن شاحتادا قىزمەت ەتەتٸن مىڭنان اسا جۇمىسشى مەجبٷرلٸ دەمالىسقا جٸبەرٸلٸپ, ولارعا سەۋٸر ايىنا دەيٸن 50% جالاقى تٶلەۋ قاراستىرىلعان ەدٸ.
"كەشەدەن بەرٸ كومبينات جۇمىسىن قايتا جالعاستىرىپ جاتىر. رۋدانى وسى اۋماقتاعى "سۋۆينەرنىي" كەنٸشٸنەن الاتىن بولدىق العاشقى تٶرت جارىم مىڭ توننا كەن جەتكٸزٸلدٸ. دٷيسەنبٸ كٷنٸ اتالعان كەنٸشتەن بٸرنەشە اي بويى شيكٸزات الىپ وتىرۋ ٷشٸن كەلٸسٸم شارت جاسالادى", - دەيدٸ "مايقايىڭالتىن" اق باس ديرەكتورى قۋانىش بوتين.
ەزٸرگە جۇمىسقا 750 ادام قايتا ورالدى. ٶيتكەنٸ, اپاتقا بايلانىستى ەكٸ ايدان بەرٸ شاحتا جۇمىسى توقتاپ تۇر. ورعا قۇلاعان اۆتوبۋس ٸشٸندەگٸ ەكٸ ادام ەلٸ تابىلعان جوق. اپات بولعان جەر استىندا دايىنداپ قويعان 1 ميلليوننا توننادان ارتىق رۋدا قورى بار.
