Resei Federatsiiasynyń tergeý komiteti Máskeý qalasyndaǵy páterlerdiń birinde kishkentai qyzdyń jalǵyz ózi turǵanyn anyqtady, dep habarlaidy Sputnik agenttigi RIA Novosti portalyna silteme jasap.
Tergeý komiteti jariialaǵan videoda páterdiń ishi qoqysqa tolyp ketken. Ishinde jýylmaǵan ydystar, buzylǵan tehnika men jihaz shashylyp jatyr, tipti jinalǵan qoqystan balkonnyń esigi ashylmai qalypty.
Osyǵan deiin RF IIM Máskeý qalasy bas basqarmasynyń baspasóz qyzmeti habarlaǵandai, tártip saqshylary kórshilerdiń shaǵymynan keiin adam turǵysyz páterdiń esigin buzyp kiredi, sebebi turǵyndar páterden balanyń jylaǵan daýysy men aiǵaidy estigen eken. Politsiia qyzmetkerleri páterde kishkentai qyzdyń jalǵyz ózi turǵanyn anyqtaidy.
Máskeýlik tergeý komiteti balanyń tábetsizdik dertine shaldyǵyp, moinyndaǵy alqasy terisine jabysyp ósip ketkenin habarlady. Sonymen birge, qyz bala adamdarmen durys sóilesip, qarym-qatynas jasai almaidy. Keibir BAQ oǵan Maýgli degen at qoiypty.
Qazir qyzdyń anasy ustalǵan, politsiia tergep jatyr. Áieldiń ústinen "Qastandyq jasaý" baby boiynsha qylmystyq is qozǵaldy.
