رەسەي فەدەراتسيياسىنىڭ تەرگەۋ كوميتەتٸ مەسكەۋ قالاسىنداعى پەتەرلەردٸڭ بٸرٸندە كٸشكەنتاي قىزدىڭ جالعىز ٶزٸ تۇرعانىن انىقتادى, دەپ حابارلايدى Sputnik اگەنتتٸگٸ ريا نوۆوستي پورتالىنا سٸلتەمە جاساپ.
تەرگەۋ كوميتەتٸ جارييالاعان ۆيدەودا پەتەردٸڭ ٸشٸ قوقىسقا تولىپ كەتكەن. ٸشٸندە جۋىلماعان ىدىستار, بۇزىلعان تەحنيكا مەن جيھاز شاشىلىپ جاتىر, تٸپتٸ جينالعان قوقىستان بالكوننىڭ ەسٸگٸ اشىلماي قالىپتى.
وسىعان دەيٸن رف ٸٸم مەسكەۋ قالاسى باس باسقارماسىنىڭ باسپاسٶز قىزمەتٸ حابارلاعانداي, تەرتٸپ ساقشىلارى كٶرشٸلەردٸڭ شاعىمىنان كەيٸن ادام تۇرعىسىز پەتەردٸڭ ەسٸگٸن بۇزىپ كٸرەدٸ, سەبەبٸ تۇرعىندار پەتەردەن بالانىڭ جىلاعان داۋىسى مەن ايعايدى ەستٸگەن ەكەن. پوليتسييا قىزمەتكەرلەرٸ پەتەردە كٸشكەنتاي قىزدىڭ جالعىز ٶزٸ تۇرعانىن انىقتايدى.
مەسكەۋلٸك تەرگەۋ كوميتەتٸ بالانىڭ تەبەتسٸزدٸك دەرتٸنە شالدىعىپ, موينىنداعى القاسى تەرٸسٸنە جابىسىپ ٶسٸپ كەتكەنٸن حابارلادى. سونىمەن بٸرگە, قىز بالا ادامدارمەن دۇرىس سٶيلەسٸپ, قارىم-قاتىناس جاساي المايدى. كەيبٸر باق وعان ماۋگلي دەگەن ات قويىپتى.
قازٸر قىزدىڭ اناسى ۇستالعان, پوليتسييا تەرگەپ جاتىر. ەيەلدٸڭ ٷستٸنەن "قاستاندىق جاساۋ" بابى بويىنشا قىلمىستىق ٸس قوزعالدى.
