Máskeý meri Sergei Sobianin koronavirýspen bailanysty jańa shekteýler engizdi.
Ol qalada virýsty juqtyrǵandardyń sany edáýir óskenin jáne aldaǵy aptalarda jaǵdaidyń odan ári nasharlaýy yqtimal ekenin aitty, dep habarlaidy TASS agenttigi.
Jańa shekteýler 13 qarashadan 15 qańtarǵa deiin, eki ai merzimge engiziledi.
Kolledjder men joǵary oqý oryndarynyń stýdentteri qashyqtyqtan oqytýǵa kóshedi. Oqýshylardyń kólik kartalary ýaqytsha buǵattalady. Oqýshylar men stýdentterge úide bolýǵa keńes beriledi.
Meiramhana, kafe, klýbtar jáne basqa da oiyn-saýyq oryndary klientterge 23:00-den 06:00-ge deiin qyzmet etpeidi. Bul rette tamaqty jetkizý táýlik boiy jumys isteidi. Teatr, kinoteatr jáne kontsert zaldaryndaǵy kórermenderdiń eń kóp sany úi-jai syiymdylyǵynyń 25%-nan aspaýy tiis.
Kórermenderdiń qatysýymen mádeni, oiyn-saýyq, jáne basqa da osyndai is-sharalarǵa, sonyń ishinde kórmelerge tyiym salynady. Shekteýler «atqarýshy bilik organdarynyń sheshimi boiynsha júrgiziletin resmi is-sharalarǵa» qoldanylmaidy.
Buqaralyq sporttyq is-sharalar, eger olar qalalyq sport departamenti jáne Rospotrebnadzor basqarmasymen kelisilse, kórermenderdiń qatysýymen ótkizilýi múmkin. Qyzmeti azamattardyń tikelei qatysýymen bailanysty uiymdarǵa QR-kodtar júiesin engizý usynylady. Ol buryn tek túngi oiyn-saýyq oryndaryna ǵana qatysty bolatyn. Balalar oiyn-saýyq ortalyqtary, meiramhanalardaǵy balalar bólmeleri jáne saýda ortalyqtary jumysyn toqtatady, biraq balalarǵa arnalǵan dalalyq oiyn-saýyq sharalaryna ruqsat etiledi.
